Аудан бойынша Жымпиты ауылында қазіргі таңда 509 ауыл тұрғындары жер кезегінде, 414 адам тұрғын үй кезегінде тұр. Аталған кезектілік санын азайту мақсатында Жымпиты ауылынан 30, Өлеңті ауылынан 42, Алғабас ауылынан 10, Қособа ауылынан 3 екі пәтерлі, жалпы 85 тұрғын үйді және инфрақұрылымды дамытуға жобалар жасалды, құны 1,4 млрд. теңгені құрайды.
Сондай – ақ, Алғабас ауылынан 15 тұрғын үй алаңына газ және су тарту жұмыстары жүргізіліп, электр желілерін тартуға аудандық бюджеттен қаржы қарастырылып, биылғы жылы аяқталатын болады. Өлеңті ауылынан 42 тұрғын үй алаңына инженерлік-коммуникациялық желілер тарту жұмыстары маусым айында аяқталды. Қособа ауылынан 8 үй орнына инженерлік-коммуникациялық желілер жүргізу жобалары дайын, тиісті басқармаларға ұсыныстар берілді.