Жымпиты ауылы,
2023 жылғы 24 мамыр,
№13/27
Қазақстан Республикасы Батыс Қазақстан облысы Сырым ауданының Қособа ауылдық округі әкімінің сайлауын тағайындау туралы
Қазақстан Республикасының «Қазақстан Республикасындағы сайлау туралы» Конституциялық Заңының 14-бабының 8-1)-тармағына және 113-1-бабының 2, 3 тармақтарына және Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 36-бабына сәйкес Сырым аудандық аумақтық сайлау комиссиясы ШЕШІМ ЕТЕДІ:
- Батыс Қазақстан облысы Сырым ауданының Қособа ауылдық округі әкімінің сайлауы 2023 жылдың 2 шілдесіне тағайындалсын.
- Қоса беріліп отырған 2023 жылдың 2 шілдесіне тағайындалған Батыс Қазақстан облысы Сырым ауданының Қособа ауылдық округі әкімінің сайлауын әзірлеу мен өткізу жөніндегі негізгі іс-шаралардың күнтізбелік жоспары бекітілсін.
- Сайлау шаралары Қазақстан Республикасының «Қазақстан Республикасындағы сайлау туралы» Конституциялық Заңына сәйкес өткізілсін.
- Осы шешімнің көшірмесі Сырым ауданының әкіміне жолдансын.
- Осы шешім «Сырым елі» аудандық қоғамдық-саяси газетіне және Сырым ауданы әкімдігінің ресми сайтына жариялансын.
Сырым аудандық аумақтық
сайлау комиссиясының төрағасы Ж.Батырниязов