Меню
Құрметті Орал қаласының тұрғындары!
Қысқы спорт түрлері бойынша облыстық балалар-жасөспірімдер спорт мектебі қаламыздың әсем ғимараты – Мұз спорт сарайында, Еуразия даңғылы, 236 - мекенжайында орналасқан.
Спорт мектебі 2001 жылдан бастап жұмыс жасайды.
Мектеп директоры - Алтынбекұлы Тұрарбек.
Директордың оқу-спорт ісі жөніндегі орынбасары - Копылова Татьяна Васильевна.
Мектеп бағыты - Батыс Қазақстан облысында қысқы спорт түрлерін дамыту, сондай-ақ спорттық - бұқаралық іс-шаралар мен түрлі деңгейдегі жарыстар өткізу болып табылады.
Бүгінгі күні мектепте қысқы спорт түрлері бойынша 5 бөлімше жұмыс істейді:
- Шорт-трек бөліміне 7-10 жас аралығындағы балалар қабылданады;
- Мәнерлеп сырғанау бөліміне 4-7 жас аралығындағы балалар қабылданады;
- Шайбалы хоккей бөліміне 5-9 жас аралығындағы балалар қабылданады; (Өтетін орны: Мұз спорт сарайы, Еуразия даңғылы, 236)
- Допты хоккей бөліміне 7-10 жас аралығындағы балалар қабылданады;
(Өтетін орны: «Жастар» стадионы, Т.Масин көшесі, 65/1; «Стеновик» стадионы, Әзірбайжан көшесі, 48/2; Строитель ш/а 43, Хоккей алаңы № 9 ЖОББМ спорт алаңы)
- Шаңғымен жарысу бөліміне 7-10 жас аралығындағы балалар қабылданады; ( Шаңғы базасы, М.Жүнісов көшесі,10; № 23 ЖОББМ)
Оқушылармен оқу үрдісін 21 жаттықтырушы қамтамасыз етеді. Әрбір спорт түрлері бойынша жаттықтырушылардың ұялы байланыс нөмірлері көрсетілген.
Мұз спорт сарайында осындай ақылы қызметтер көрсетіледі, оның 1 сағатқа арналған бағалары төмендегідей:
- Тренажер залында жаттығу: ересектер үшін - 400 тг. балалар үшін – 200 тг.
- Шағын футбол алаңы – 3000 тг.
- Бөгде ұйымдар үшін мұз аренасын пайдалану бағасы – 40000 тг.
- «БҚО дене шынықтыру және спорт басқармасы» ММ үшін және оған бағынысты мекемелер үшін спорттық шаралар мен оқу-жаттығу үрдісін өткізуге мұз аренасын пайдалану – 30000 тг.
Осы спорт түрлеріне қызығушылық танытушыларға есігіміз әрқашан ашық!