Батыс Қазақстан облысының жұмыспен қамтуды және әлеуметтiк бағдарламаларды үйлестiру басқармасы бойынша 2024 жылға арналған азаматтық бюджет

Батыс Қазақстан облыстық мәслихатының 2023 жылғы 14 желтоқсандағы «2024-2026 жылдарға арналған облыстық бюджет туралы» №8-1 шешіміне сәйкес  басқарма бюджеті  18 709 555  мың. теңгеге бекітілді. Оның  iшiнде:

жергiлiктi бюджет — 18 206  922, 0   мың теңге,

республикалық бюджет - 502 633,0 мың теңге,

Әлеуметтiк қамтамасыз ету және әлеуметтiк көмек саласында аса маңызды бағыттардың бiрi мүгедектігі бар адамдардың құқықтарын қамтамасыз ету, өмiр сүру сапасын жақсарту, табысы аз азаматтардың санатын жұмыспен қамтуға жәрдемдесудің белсенді шараларына қатысуға ынталандыру, мемлекеттік әлеуметтік тапсырыс шеңберінде мемлекеттік емес ұйымдарды қаржыландыру, «2021 – 2025 жылдарға арналған кәсіпкерлікті дамыту» жөніндегі Ұлттық жоба  шеңберінде өзін-өзі жұмыспен қамтыған, біліктілігі жоқ тұлғаларды нәтижелі жұмыспен  қамтуды шешу болып табылады.

Басқарма 12 ведомствоға қарасты (11 стационар және 1 жартылай стационар) мекемелермен 1402 қамқорланушыларды қамтамасыз ету үшін арнаулы әлеуметтік қызметтерді көрсетуге 5 189 607  мың теңге бөлінді.

«Жергілікті деңгейде жұмыспен қамтуды қамтамасыз ету  және халық үшін әлеуметтік бағдарламаларды іске асыру саласында мемлекеттік саясатты іске асыру жөніндегі қызметтер» бағдарламасы бойынша 261 133 мың теңге облыстың жұмыспен қамтуды үйлестіру және әлеуметтік бағдарламалар басқармасының аппаратын ұстауға қарастырылған.

Мүгедектігі бар адамдар  мен мүгедектігі бар балаларға әлеуметтiк қолдау көрсету үшiн «Мүгедектігі бар адамдарға әлеуметтiк қолдау» бюджеттiк бағдарламасы бойынша  2085  протездiк-ортопедиялық құралдармен қамтамасыз етуге  172 825 мың. теңге қаражат жоспарланып отыр.

053 «Кохлеарлық импланттарға дәлдеп сөйлеу процессорларын ауыстыру және келтiру бойынша қызмет көрсету» бюджеттiк бағдарлама бойынша 7 мүгедектігі бар бала және 3 ересек адамға  дәлдеп сөйлеу процессорларын ауыстыруға 55 298,0 мың.теңге жоспарланған.

064 «Еңбек мобильділігі орталықтары мен мансап орталықтарының жұмыспен қамту мәселелері жөніндегі азаматтарды әлеуметтік қолдау бойынша қызметін қамтамасыз ету» бағдарламасы бойынша 1 226 442,0 мың теңге орталық пен мансап орталықтарының қызметін қамтамасыз етуге қарастырылды.

«Жастардың кәсіпкерлік бастамашылығына жәрдемдесу үшін бюджеттік кредиттер беру» бағдарлама бойынша  268 адамға кредит беруге  1340 000,0 мың теңге жоспарлануда.

 «Төменгі тұрған бюджеттерге берілетін нысаналы ағымдағы  трансферттер» бюджеттік бағдарламасы бойынша  аудандық (қала) жұмыспен қамту бөлімдеріне төмендегі іс-шаралар бойынша:

• 19 431 адамға мемлекеттік атаулы әлеуметтік көмекке -1 250 369 мың теңге,
• 4211 балаға мемлекеттік кепілдірілген  әлеуметтік пакетке- 204 941  мың теңге,

Үкіметтік емес секторда мемлекеттік әлеуметтік тапсырысты орналастыруға:

• 115 адамға жартылай стационарлық үлгіде қарттар мен мүгедектерге әлеуметтік қызметтерді көрсетуге – 116 640  мың теңге,
• 12 адамға адамдар саудасының құрбандарына арнаулы әлеуметтік қызметтерді көрсетуге - 14 170 ,0 мың теңге,

Мүгедектігі бар адамдардың құқықтарын қамтамасыз етуге және өмір сүру сапасын жақсартуға:

• 7056 мүгедектi мiндеттi гигиеналық құралдармен қамтамасыз етуге-                880 674 мың теңге,
• 248 адамға ымдау тiлi мамандарының қызметiн көрсетуге – 56 324 мың теңге,
• 6 мүгедекті бір реттік қолданылатын катетермен қамтамасыз етуге –             10 360,0 мың теңге,
• 652 сурдотехникалық құралдармен қамтуға – 71 006  мың теңге,
• 2139 тифлотехникалық құралдармен қамтуға – 217 537  мың теңге,
• 2118  адамды санаторлық-курорттық емдеумен қамтамасыз етуге –                 498 629  мың теңге,
• 495 арнайы жүріп-тұру құралдарға -93 059  мың теңге,
• 1581 протезді- ортопедиялық құралдарға – 38 502  мың теңге,
• 1902 жеке көмекшілер қызметіне – 473 889 мың теңге,
• «Белсенді ұзақ өмір» орталығы-  38 221,0 мың теңге,

«2021 – 2025 жылдарға арналған кәсіпкерлікті дамыту» жөніндегі ұлттық жобасы  бойынша :

• 1980 адамды жастар тәжірибесін ұйымдастыруға жолдауға – 2 569 644 мың теңге ,
• 638 адам әлеуметтік жұмыс орындарына – 196 601 мың теңге,
• 26 мүгедектігі бар адамдарға  арналған әлеуметтік жұмыс орындарына -23 620  мың теңге,
• 451 адам жаңа бизнес идеяларын іске асыруға гранттарға – 650 342 мың теңге,
• 1933 адамға қоғамдық жұмыстарға – 2 009 220  мың теңге,
• 490 адам алғашқы жұмыс орнына- 635 922 мың теңге,
• 230 адам күміс жасқа-298 494 мың теңге,
• 290 адамға қысқа мерзімді оқуға - 86 312 мың теңге,
• 72 адам Кәсіптік біліктілікті тануға арналған біржолғы ваучер  - 4028  мың теңге,
• 18 адам ұрпақтар келісімшартына- 11 680 мың теңге,
• 13 мүгедектігі бар адамдарды жұмысқа орналастыру үшін арнайы жұмыс орындарын құруға- 14 066  мың теңге.

Дата публикации

14 июня 2024