Меню
Биылғы жылы аудан бойынша тұрақты жұмысқа – 444 адам орналастырылып, жаңадан ашылған жұмыс орындар саны - 670-ні құрап отыр.
59 жас маман - жастар тәжірибесіне жіберіліп, 110 адам ақылы қоғамдық жұмысқа тартылды. Әлеуметтік жұмыс орнына (СРМ) - 19 адам қабылданып, «Алғашқы жұмыс орны» жобасы бойынша - 21 тұлға жолданды. Ал, «Күміс жас» жобасы аясында зейнет жасына жақындаған 17 адам жұмысқа қабылданды.
«Бастау Бизнес» жобасы аясында 99 адам оқу курсынан өтіп, 79 адам сертификаттарын алған болатын.
Ауданда кәсіпкерлікті дамыту, жаңа жобаларды енгізу аясында шағын және орта бизнес дамыту мақсатында «Бастау Бизнес» жобасы аясында 400 айлық есептік көрсеткіш көлемінде, яғни 26 млн 40 мың теңге болатын мемлекеттік қайтарымсыз грантты бүгінде 19 тұлға иеленді (13 - көп балалы отбасыларға, 2 - мүгедектігі бар балаларды тәрбиелеп отырған адамдарға, 1- аз қамтылған отбасыларға, 1 - ІІІ топ мүгедектігі бар адамға (пробация қызметінің есебінде) және асыраушысынан айырылған 2 тұлғаға берілді)
Сонымен қатар, 2,5 пайызбен жастарға бизнес жүргізу үшін несие берілуде, оған 16 жас қол жеткізді. Берілген несие соммасы - 73 млн. 90 мың теңгені құрап отыр.
Несие/микрокредиттер кепілдік мүлкі болған жағдайда ғана беріледі.
Несие/микрокредиттер жылдық номиналды сыйақы мөлшерлемесі –6 % -дан аспайтын, ең жоғары сомасы – 6500 АЕК-ке дейін, 5 жылға дейін мерзімге Екінші деңгейлі банктер немесе Ауыл шаруашылығын қаржылай қолдау қоры арқылы беріледі.
Табысы аз немесе көпбалалы отбасылардың мүшелеріне кредит жеті жылға дейінгі мерзімге, жылдық сыйақы мөлшерлемесі 4 %-дан , ең жоғары сомасы 8,0 мың АЕК-ке дейін беріледі.
«Еңбек» Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған мемлекеттік бағдарламасының» екінші бағыты шеңберінде бастапқы бизнесті іске асырып жатқан немесе іске асыруды жоспарлап жатқан Бағдарламаға қатысушыларға өтеусіз және қайтарымсыз негізде мемлекеттік гранттар беріледі.
Үміткерлер Бағдарлама шеңберінде («Бастау Бизнес» бағдарламасы бойынша)кәсіпкерлік негіздеріне оқыту курстарынан өткен соң немесе Бағдарламаның бірінші бағыты шеңберінде оқытуды аяқтағаннан кейін қатыса алады.
Бизнес-идеяларды іске асыруға арналған мемлекеттік гранттар бұдан бұрын басқа мемлекеттік бағдарламалар шеңберінде қаржылай қолдау алмаған барлық санаттағы азаматтарға, яғни жұмыссыз азаматтарға, 29 жасқа дейінгі жастарға, көпбалалы отбасыларға, табысы аз отбасыларға, еңбекке қабілетті мүмкіндігі шектеулі азаматтарға 200 айлық есептік көрсеткішке дейінгі мөлшердеұсынылады және Мемлекеттік грант қажетті инвентарьды, еңбек құрал-жабдықтарын, технологиялық жабдықты сатып алуға пайдаланылады.
Мемлекеттік тұрғын үй қорынан тұрғын үй алу үшін алдымен өзіңіздің санатыңызды айқындап, тұрғын үйге мұқтаж азаматтар кезегіне тіркелу қажет етеді. Яғни бұл санаттар: 1) Мемлекеттік қызметшілер, бюджеттік ұйымдардың қызметкерлері, әскери қызметшілер санаты; 2) Халықтың әлеуметтік жағынан осал топтарына жататын азаматтар санаты; 3)«Алтын алқа» «Күміс алқа» алқалармен наградталған немесе бұрын «Батыр ана» атағын алған сондай-ақ 1 және 2 дәрежелі «Ана даңқы» ордендерімен наградталған көпбалалы аналар, көпбалалы отбасылар санаты; 4) Жетім балалар, ата-анасының қамқорлығынсыз қалған балалар санаты, 5) Жалғыз тұрғын үйі белгіленген тәртіппен авариялық жағдайда деп танылған азаматтар санаты бойынша тұрғын үй кезегіне тұруға болады. Сонымен қатар, кезекке тұрған кезде өзіңізде және отбасы мүшелеріңіздің атында соңғы бес жыл ішінде тұрғын үй болмауы қажет. Тұрғын үй кезегіне тұру үшін алдымен халыққа қызмет көрсету орталығына өтініш жазып, жоғарыда көсетілген санаттарға орай құжаттар тапсырылады. Тапсырылған құжаттарды сәйкес, тұрғын үй кезегіне қою немесе дәлелді бас тарту жөнінде шешім шығарады. Алдағы уақытта тұрғын үй құрылысы жүргізілген жағдайда тұрғын үй тек кезекпен берілетін болады. Кезектен тыс тұрғын үйлер берілмейді. Қосымша ақпаратты Тасқала ауылы Жуков көшесі №3, мекен жайы бойынша орналасқан Тасқала аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінен алуға болады.