Лицензиялау және аттестаттау бөлімі туралы ережесi

Батыс Қазақстан облысының мемлекеттік сәулет-құрылыс бақылауы басқармасының лицензиялау және аттестаттау бөлімі туралы ережесi

                                                                                          

1. Жалпы ережелер

 

1. Лицензиялау және аттестаттау бөлімі «Батыс Қазақстан облысының мемлекеттік сәулет-құрылыс бақылауы басқармасы» мемлекеттік мекемесінің құрылымдық бөлiмшесi болып табылады.
2. Лицензиялау және аттестаттау бөлімі өз қызметiнде Қазақстан Республикасының Конституциясын, Қазақстан Республикасының заңдарын, Президентi мен Үкiметiнiң актiлерiн, өзге де нормативтiк құқықтық актiлердi, сондай-ақ осы Ереженi басшылыққа алады.
3. Лицензиялау және аттестаттау бөлімінің құрылымын, штат санын Қазақстан Республикасының заңнамасында белгiленген тәртiппен Батыс Қазақстан облысының мемлекеттік сәулет-құрылыс бақылауы басқармасының басшысы бекiтедi.
4. Лицензиялау және аттестаттау бөлімі:

1) бөлім басшысы – мемлекеттік құрылыс инспекторы;

2) 1 бас маман – мемлекеттік құрылыс инспекторларынан тұрады.

 

2. Лицензиялау және аттестаттау бөлімінің

негiзгi мiндеттерi, функциялары мен құқықтары

 

5. Мiндетi: Бөлімнің жұмысын ұйымдастыру.

Функциялары:

1) сәулет, қала құрылысы және құрылыс саласында лицензиар функцияларын жүзеге асыру;

2) сәулет, қала құрылысы және құрылыс қызметі саласында сараптама жұмыстарын және инжинирингтік көрсетілетін қызметтерді жүзеге асыру құқығына сарапшыларды аттестаттау жөніндегі функцияларды жүзеге асыру;

3) сәулет, қала құрылысы және құрылыс саласындағы жобаларды басқару жөніндегі ұйымдарды аккредиттеу;

4) заңмен белгіленген лицензияланатын жұмыс түрлерінің тізіміне сәйкес ведомстволық бағынысты аумақта лицензия алу үшін лицензиаттар ұсынған құжаттар мен материалдарды қарау жұмысына қатысу;

5) лицензиаттарды есепке алу және тіркеу, лицензиаттардың лицензиялау ережелері мен нормаларын сақтауын бақылау;

6) лицензиялау нормалары мен ережелерін бұзуға жол берген заңды және жеке тұлғаларға қатысты заңнамалық тәртіпте белгіленген шаралар қолдану;

7) мемлекеттік көрсетілетін қызметтер бойынша жұмыстану;

8) Прокуратура органдарында тексеріс тағайындаған кезде қажетті құжаттарды тіркеуге жауап беру;

         9) мыналарға мемлекеттік сәулет-құрылыс бақылауды жүзеге асыру:

         - тапсырыс берушілерде оның белгілі бір жер учаскесіне сәйкесті құқығын растайтын құжаттар мен мердігерлермен (бас мердігерлер) шарттардың болуы;

- құрылыс-монтаж жұмыстарының түрлеріне сай мердігерлік ұйымдарда лицензияның болуы.

6. Мiндетi: Құрылыс объектілері мен құрылыс өнімдерінің сапасына мемлекеттік сәулет-құрылыс бақылауды және қадағалауды қамтамасыз ету.

Функциялары:

1) бөлімнен шығатын есептерді әзірлеу;

2) сәулет, қала құрылысы және құрылыс қызметінің субъектілерімен жіберілген мемлекеттік нормативтер мен талаптарының бұзылу себептерін анықтау;

3) мемлекеттік нормативтер бұзушылықтарын жоюға бағытталған ықпал ету шараларын қабылдау;

4) мемлекеттік сәулет-құрылыс бақылауды жүзеге асыру нормалары мен әдістерін жетілдіру бойынша ұсыныстар дайындау;

5) заңнамалар шегінде тексеру арқылы нысандар құрылысының сапасын бақылауды жүзеге асыру;

6) сарапшыларды аттестаттау мен тестілеуді ұйымдастыру және жүргізу;

7) бөлімнің іс номенклатурасын әзірлеу, мұрағатқа тапсыру;

8) басқарманың ресми сайтында сәулет, қала құрылысы және құрылыс қызметінде субъектілерді лицензиялау және аттестаттау туралы деректердің орнатылуын және орнатылған деректердің уақтылы жаңартылуын қамтамасыз ету.

 

3. Лицензиялау және аттестаттау бөлімінің

қызметiн ұйымдастыру

 

7. Лицензиялау және аттестаттау бөлімі Қазақстан Республикасының заңнамалық актiлерiне, Президентiнiң актiлерiне, Қазақстан Республикасының өзге де нормативтiк құқықтық актiлерiне сәйкес өзiнiң негiзгi мiндеттерi мен функцияларын iске асыру үшiн қажеттi өкiлеттiктердi иеленедi.
8. Лицензиялау және аттестаттау бөлімін Қазақстан Республикасының заңнамасында белгiленген тәртiппен қызметке тағайындалатын және қызметтен босатылатын басшы басқарады.
9. Лицензиялау және аттестаттау бөлімінің басшысы бөлімнің қызметiне жалпы басшылықты жүзеге асырады, бөлімге жүктелген мiндеттердiң орындалуы мен оның өз функцияларын жүзеге асыруы үшiн дербес жауапты болады.
10. Лицензиялау және аттестаттау бөлімінің басшысы басқарма басшысына құрылымдық бөлiмшенiң құрылымы мен штаттық кестесi бойынша ұсыныстар бередi.
11. Бөлім басшысы осы мақсатта:

1) бөлім бас мамандарының мiндеттерi мен өкiлеттiктерiн белгілейді;

2) Қазақстан Республикасының заңдарына және Президентiнiң актiлерiне сәйкес өзге де өкiлеттiктердi жүзеге асырады.

12. Лицензиялау және аттестаттау бөлімінің құзыретiне кiретiн мәселелер бойынша бөлім атынан басқа құрылымдық бөлiмшелерге жiберiлетiн құжаттарға бөлім басшысы, ал ол болмаған жағдайда оны алмастыратын адам қол қояды.

 

 

Дата публикации

13 апреля 2023