Шыңғырлау ауданының Ақсуат ауылында «Ауылда денсаулық сақтауды жаңғырту» жобасы аясында жаңа медициналық пункт салынып, жұртшылық игілігіне берілді.

Жаңа жыл мерекесі қарсаңында Шыңғырлау ауданының Ақсуат ауылында «Ауылда денсаулық сақтауды жаңғырту» жобасы аясында жаңа медициналық пункт салынып, жұртшылық игілігіне берілді.
Айта кетейік, «Ауылда денсаулық сақтауды жаңғырту» жобасының негізгі мақсаты – барлық ауылдық елді мекендерді бастапқы медициналық-санитариялық көмек ұйымдарымен қамтамасыз ете отырып, дені сау ұлт қалыптастыру. Сондай-ақ шалғайда жатқан ауыл халқына шұғыл медициналық көмек көрсету тиімділігін арттыру.
Жаңа медициналық пункт қажетті медициналық құрал-жабдықтармен және жиһазбен толықтай қамтамасыз етілген, бұл ауыл тұрғындарының денсаулығын нығайтуға, уақтылы профилактикалық жұмыстар жүргізуге және скринингтік тексерулер өткізуге мүмкіндік береді.