БҚО, Орал қаласында 150 орындық мүгедектерді оңалту орталығының құрылысы

Орал қаласын «Ақжайық» шағын ауданында 2022 жылы әлеуметтік қамсыздандыру нысандарын дамыту шеңберінде 150 орындық мүгедектерді оңалту орталығының құрылысы басталды. Мердігер – «Альтаир» ЖШС.

Бүгінгі таңда ғимараттың қаңқасын тұрғызу және абаттандыру жұмыстары жүргізілуде. Құрылыс-монтаждау жұмыстары 35% аяқталды.

«БҚО Орал қаласында 150 орынға арналған мүгедектерді оңалту орталығын салу» инвестициялық жобаны іске асырудың мақсаты әртүрлі патологиядан зардап шегетін мүгедек адамдарды, сондай-ақ диспансерлік есепте тұрған балаларды әлеуметтік қорғауды қамтамасыз ету болып табылады.

Аталған оңалту орталығын 2024 жылы пайдалануға беру жоспарлануда.