"С.Садықов атындағы Казталов аудандық мәдени-демалыс орталығы" МКҚК-ның директоры лауазымын иеленуге ашық конкурс

«Казталов ауданының мәдениет, тілдерді дамыту, дене шынықтыру және спорт бөлімі» мемлекеттік мекемесі "С.Садықов атындағы Казталов аудандық мәдени-демалыс орталығы" мемлекеттік коммуналдық қазыналық кәіпорынының директоры лауазымын иеленуге ашық конкурс жариялайды

 

Конкурсқа қатысушыларға қойылатын талаптар: педагогикалық ғылымдар (музыкалық білім) және/немесе өнер және гуманитарлық ғылымдар және/немесе әлеуметтік ғылымдар, журналистика және ақпарат (мәдениеттану, кітапхана ісі) және/немесе қызмет көрсету (туризм, мәдени-тынығу жұмысы) бағыттары бойынша жоғары (немесе жоғары оқу орнынан кейінгі) білім және мамандығы бойынша басшылық персонал лауазымдарда 5 жылдан кем емес жұмыс өтілі.

Лауазымдық міндеттері:

• мәдени-демалыс ұйымдарының қызметтеріне басшылық етеді;
• шығармашылық, әдістемелік, мәдени-ағартушылық жұмыстарды жүзеге асыруды, жемқорлыққа қарсы күрес жөніндегі жұмыстарды ұйымдастырады;
• байқаулар мен фестивальдарды, халық шығармашылығы конкурстарын, көркемөнерпаз жетекшілерінің семинарларын дайындауды және өткізуді қамтамасыз етеді;
• көркемөнерпаз ұжымдарының қызметін бақылауды жүзеге асырады;
• саябақтың және оның бөлімшелерінің аумағында эстрадалық театрлар, кітапханалар, би және ойын павильондары, алаңдар, мұз айдындар, шаңғы және қайық станцияларын, мәдени-тұрмыстық және спорттық құрал-жабдықтарды жалға беру базаларын, әртүрлі аттракциондар мен халыққа қызмет көрсететін нысандарды, сондай-ақ үрмелі аспаптар мен эстрадалық оркестрлерді, көркемөнерпаздар ұжымын, әртүрлі секцияларды ұйымдастырады, бақ-саябақ шаруашылығының дамуын және сақталымын қамтамасыз етеді;

• білікті мамандарды әдістемелік құралдар, сценарийлер, репертуар жасауға, осы материалдарға пікір жазу және көркемөнерпаздар ұжымына шығармашылық көмек көрсету жұмыстарына тартады;
• қызметкерлердің кәсіби біліктілігін арттыру үшін жағдайлар жасайды, көтермелейді, шығармашылық бастамаларын ынталандырады;
• ұйым қызметкерлерінің өндірістік және еңбек тәртіптерін, еңбек қауіпсіздігі және еңбекті қорғау бойынша ережелерді, өрт қауіпсіздігі талаптарын сақтауларын бақылайды.

Білуі тиіс: Конституцияны; Бюджет кодексін; Әкімшілік құқық бұзушылық туралы кодексін;Еңбек кодексін;  "Авторлық құқық және сабақтас құқықтар туралы", "Мәдениет туралы", "Мемлекеттік мүлік туралы", "Сыбайлас жемқорлыққа қарсы іс-қимыл туралы", "Мемлекеттік сатып алулар туралы" Қазақстан Республикасының заңдарын.

Конкурсқа қатысуға ниет білдірген тұлға мынадай құжаттарды ұсынады:

• конкурсқа қатысу туралы өтініш;
• мемлекеттік және орыс тілдерінде түйіндеме;
• еркін нысанда жазылған өмірбаян;
• білім туралы құжаттардың көшірмелері (нотариуспен куәландырылған);
• еңбек қызметін растайтын құжаттың көшірмесін;
• алдын ала медициналық куәландырудан өткені туралы құжаты;
• 3х4 үлгідегі екі фото суреті;

Конкурсқа қатысушы біліміне, жұмыс тәжірибесіне, кәсіби деңгейіне қатысты қосымша ақпарат бере алады. Көрсетілген құжаттардың бірінің болмауы құжаттарды конкурсқа қатысушыға қайтару үшін негіз болып табылады.

Құжаттарды қабылдау мерзімі

Конкурс өткізу туралы хабарландыру ресми жарияланған күннен бастап 15 күнтізбелік күннің ішінде көрсетілген мекен жай бойынша тапсырылуы тиіс.

Мекен жайы: БҚО Казталов ауданы, Казталов ауылы,  Ш.Шарафутдинова көшесі № 3 үй, Казталов ауданының мәдениет, тілдерді дамыту, дене шынықтыру және спорт бөлімі.

Анықтама телефоны: жұмыс (8- 711- 44) 33-7-70, ұялы 8705 387 22 12.

Электронды адрес: kazt_sport@mail.ru