2021 жылғы 9 шілдеде сағат 18.00-де ұсыну кезеңі аяқталды. Казталов ауданы бойынша барлығы 15 кандидат ұсынылды, оның ішінде 2 (13,3%) - саяси партиялармен, 13 (86,7%) - өзін-өзі ұсынумен.
Саяси партиялар 2 ауылдық округ бойынша кандидатура ұсынды: "NurOtan" партиясы 1 кандидат, «АDAL» саяси партиясы 1 кандидат.
Орташа бәсекелестік 2 адамды құрады.
Ағымдағы жылғы 9 шілдедегі жағдай бойынша сайлау округінде кемінде екі адамнан ұсынылды.
Кандидаттар шығып қалған және балама болмаған жағдайда (сайлау округінде екіден кем кандидат), заңнамаға сәйкес ұсыну кезеңі бес күннен аспайтын мерзімге ұзартылатын болады.
Ағымдағы жылғы 10 шілдедегі жағдай бойынша 9 кандидат тіркелді (60%).
"Қазақстан Республикасындағы сайлау туралы" Қазақстан Республикасы Конституциялық заңының 113-5-бабының 9-тармағына сәйкес кандидаттарды тіркеу қорытындылары туралы ресми ақпарат БАҚ-та жарияланатын болады.