Қаратөбеде волейболдан ашық турнир өтуде

Қазақстан Респуликасының мәслихаттарының 30 жыл толуына орай мекеме қызметкерлері арасында волейболдан аудандық ашық турнир өтуде.

Шараның ашылу салтанатына аудан әкімі Қ.Сүйеуғалиев қатысты.

– Құрметті турнирге қатысушылар, қонақтар Сіздерді Қазақстан Респуликасының мәслихаттарының 30 жылдығымен құттықтаймын!

Турнирге келген барлық спортшыларға сәттілік тілеймін. Спортшыларымыз үлкен додалардан жеңіспен оралып, мерейіміз арта берсін, – деді аудан басшысы.

Одан соң сөз алған аудандық мәслихат төрағасы Нұрлан Меңдешев халық қалаулыларын және сала ардагерлерін мерекемен құттықтап, жарыс қатысушыларына сәттілік тіледі.

Аудандық дене шынықтыру-сауықтыру кешенінде өтіп жатырған турнирге аудан мекемелерінен 9 команда шығып, жарыс көркін қыздыруда.