Қаратөбе ауданында қоғамдық бақылау өткізілді
Ағымдағы жылдың 29 наурыз күні Қаратөбе ауданы әкімі аппаратының ұйымдастыру-бақылау бөлімінің бас маманы Н.Әділхановтың, аудандық қоғамдық кеңестің мүшесі Н.Жоламановтың Қаратөбе ауданының жұмыспен қамту және әлеуметтік бағдарламалар бөлімінің үйден қызмет көрсету бөлімшесінің меңгерушісі Г.Ермуханбетованың қатысуымен «Азаматтарға арналған үкімет» КЕАҚ-ы филиалының Қаратөбе аудандық халыққа қызмет көрсету орталығында және Қаратөбе ауылдық округі әкімі аппаратында мемлекеттік көрсетілетін қызметтердің сапасы бойынша қоғамдық бақылау жүргізілді.
Қоғамдық бақылау барысында мекемелерде мүмкіндігі шектеулі жандарға қолайлы орта қалыптастыру мақсатында пандус, арнайы қоңырау батырмасының орнатылуымен, мекемеге келген қызмет алушыларға арналған «өзіне-өзі қызмет көрсету бұрышының» жұмыс істеп тұруына бақылау жүргізілді.
Бақылау қорытындысына сәйкес аталған мекемелерге қызмет сапасын арттыру бойынша тиісті ұсыныстар берілді.