Аналарға «Алтын алқа» табысталды

Бүгін Қаратөбе ауданының әкімі Қадыржан Сүйеуғалиев еліміздің демографиясына үлес қосып жүрген көп балалы аналар, соналылық Шынар Ашықбаева мен Үшағаш ауылының тұрғыны Нұргүл Қуанышкерееваны қабылдады.

Кездесуде ұрпақ жалғастырып, халық санының өсуіне зор үлес қосқан 6 ұл, бір қыз тәрбиелеп отырған Нұргүл Қуанышкерееваға және 6 қыз, бір ұл өсіріп отырған Шынар Ашықбаеваға ҚР Президентінің Жарлығымен «Алтын алқа» медалі табысталып, естелік сыйлық ұсынылды.

Аудан басшысы Қадыржан Орынбасарұлы еліміздің демографиясын көтеріп жүрген аналарға қандай марапат берсе де лайықты екенін, баланы тәрбиелеп өсірудің өзі үлкен ерлік екенін айта отырып, аналардың дендеріне саулық, азаматтары мен балаларының амандығын тілеп, ақ жарма тілегін білдірді.

 

"Қаратөбе өңірі" газеті