Батыс Қазақстан облысында цифрландыру және инвестициялар бойынша Digital InWest форумы өтті.
Форум аймақтың экспортқа бағдарланған өндірушілерінің көрмесін және форумға қатысушылардың IT-жобаларынан басталды, онда аймақтың индустрия және цифрландыру саласындағы әлеуетімен таныса алды. Көрмеге 25 өндіруші және 15-тен астам IT-компаниялар қатысты, онда олар өз өнімдері мен жобаларын ұсынды.
Өзінің құттықтау сөзінде облыс әкімі Ғали Есқалиев Төртінші өнеркәсіптік революцияның стратегиялық бағыты ретінде цифрлық трансформация елдің экономикалық әлеуетін арттырудың басты мәселелерінің бірі болып табылатындығын атап өтті. Аймақ басшысы Қазақстан мен шетелдік форум қатысушыларына жоспарланған цифрландыру жобаларын ұсынды. 2019-2020 жылдары қауіпсіздік жобаларын (ақылды бейнекамералар, 112 қызметі), Smart Aqsai жобасын, ақылды жарықтандыруды, ТҮКШ саласындағы қашықтықтан оқитын өлшегіш құрылғыларды, агроөнеркәсіптік кешендегі жобаларды, энергияны үнемдейтін технологияларды, сандық билбордтарды және басқа да жобаларды іске асыру жоспарлануда.
Сондай-ақ, облыс әкімі өзге де инвестициялық жобалар туралы айтты. Бұл мелиорация, жемшөп өндірісі, мал терісін өңдеу, көтерме, бөлшек және логистикалық орталықтар, сүт өңдеу, жылыжай кешендері, қатты қалдықтарды қайта өңдеу, индустриалды аймақ, цемент өндірісі, жол бойындағы қызмет көрсету нысандары, жеке мектептер мен жатақханалар құрылысы. Форум қорытындылары бойынша бірқатар компаниялар аймақ басшысына БҚО-ға инвестиция тарту жоспарлары туралы хабарлады. Атап айтқанда, австриялық «ZOR-Fish» ЖШС қуаттылығы жылына 1600 тонна жабық сумен жабдықтау нысандарында мұхит балықтарын өсіру жобасын жүзеге асыру үшін жер учаскесін бөлуге өтініш берді. Ресейлік «STP-Инжиниринг» компаниясының өкілдері Talking City жобасын әлеуметтік салада жүзеге асыруға ниет білдірді. Beeline компаниясы қалалық басқару саласында геоаналитика және Big Data құралдарын енгізуді ұсынды. Израиль мен Әзірбайжандағы IT-компаниялардың өкілдері Батыс Қазақстан облысындағы жобаларға белсенді қатысуға дайын екендіктерін білдірді. Осы орайда, Әзірбайжан Республикасының Қазақстан Республикасындағы төтенше және өкілетті елшісі Рашад Маммадов пен әзірбайжандық инновацияларды экспорттау жөніндегі Azinnex Group консорциумы цифрландыру саласындағы тәжірибелерімен және ұсыныстарымен бөлісті. Форумда Израиль Республикасынан келген Isratech, VP Avnet Cyber Group және Vikisense өкілдері инновациялық экожүйе құру, қауіпсіздік және киберқауіпсіздік саласындағы Smart City жобаларын дамыту тәжірибесімен бөлісті.
Форум төрт секция бойынша жалғасты: Smart City-ті дамыту, тұрғын үй-коммуналдық шаруашылықты және өнеркәсіпті цифрландыру (Индустрия 4.0), инновациялық экожүйені дамыту және агроөнеркәсіптік кешенді цифрландыру. Ресми және пленарлық тақырыптық секцияларда жалпы 40-қа жуық отандық және шетелдік компаниялардың өкілдері сөз сөйледі, сонымен қатар B2B кездесулері өтті.
Жалпы, Батыс Қазақстан облысының әкімдігі цифрлық технологияларды мемлекеттік органдардың жұмысына сәтті енгізуде. Мемлекеттік цифрлық Қазақстан бағдарламасы аясында мемлекеттік қызметтер автоматтандырылуда. 6 мемлекеттік қызмет автоматтандырылды, «ЭҮАШ» АЖ (электрондық үкіметтің аймақтық шлюзі) аясында қосымша 20 мемлекеттік қызметті автоматтандыру жоспарлануда. «Ашық әкімдік» жобасы аясында «Жер учаскесін таңдау актісін келісу» қызметі автоматтандырылды (қызмет көрсету уақыты 2-3 айдан 5-12 күнге дейін, кідірістер 20 есе азайды). Электрондық сәулет порталы іске қосылды, оның негізінде 4 мемлекеттік қызмет толықтай автоматтандырылған (алдын-ала жобаны келісу, бастапқы материалдарды алу, қайта құру бойынша шешімдерді алу, қайта құру үшін бастапқы материалдарды алу), жер аукциондары электрондық форматқа (zem.kz порталы арқылы) ауыстырылды. Жыл соңына дейін облыстың геоақпараттық порталын енгізу жоспарлануда.
Білім беру саласында балабақшаларға кезек күту қызметі автоматтандырылған; 100% қала мектептері және облыстың 116 (37%) ауылдық мектептері Kundelik.kz электронды журналымен жұмыс істейді; барлық 225 (100%) шағын жиынтықты мектептер Bilimbook компьютерлік трансформаторларымен жабдықталған (контент 3 тілде). Бүгінгі таңда мектеп асханаларын цифрландыру бойынша жұмыстар жүргізілуде.
Денсаулық сақтау саласында 121 есептілік нысандары қағазсыз форматта атқарылады; барлық Орал тұрғындарының электрондық паспорттары қалыптастырылды; k-vrachu.kz мобильді қосымшасы (30 мыңнан астам жүктеу); 100% жедел жәрдем бригадасы планшеттермен және GPS навигаторлармен жабдықталған (келу уақыты 12-ден 9 минутқа дейін қысқарды); қаланың барлық емханаларында кезектерді басқарудың электронды жүйесі (күту уақыты 30-дан 15 минутқа дейін қысқарды).
Әкімдік сонымен қатар жергілікті IT-компаниялардың бастамаларын қолдайды. Мысалы, БҚО IT HUB негізінде iKomek Uralsk жедел-коммуналдық қызметтерінің қалалық call-орталығы (109 қызмет) іске қосылды, оның аясында тұрғындар тәулік бойы тұрғын үй-коммуналдық қызметтермен байланыса алады (наурыздың басынан бастап 08.27.19 дейін шамамен 15703 қоңырау келіп түсті, 7365 қоңырау өңделді). Waviot Asia жергілікті компаниясы ТҮКШ саласында қашықтықтан оқитын автоматтандырылған есептегіштерді енгізуде. IT GROUP компаниясы облыстың аймақтарындағы тұрғындар үшін мобильді қосымшаларды (Smart Sysrym, Smart Qaratobe және т.б.) жүзеге асырады және балабақшалардағы кезектерді және балалардың бірінші сыныпқа тіркелуін автоматтандыру саласында жұмыс істейді. Global Information Systems компаниясы БҚО, Атырау облысында және жартылай Ақтөбе мен Шымкентте жұмыс істейтін медициналық ақпараттық жүйені енгізді.
