Облыс әкімі Ғали Есқалиев фейсбуктегі жеке парақшасы арқылы батысқазақстандықтарды ел тәуелсіздігінің 29 жылдығымен құттықтады.
Ол бұл күн - сонау Сақ, Алтын Орда мемлекеттерінің заңды мұрагері ретінде ата-бабамыз сан ғасыр бойы сақтап келген Ұлы Дала елінің қастерлі мерекесі екенін айтты. Алаш ардақтысы Әлихан Бөкейханұлы «Бізде бірлік болып, іс қыла білетін шебер табылса, Алаштың баласы бақыт-махаббат жолына түсті!» деп біздің болашағымызды әдемі болжап кеткен еді. Осы сөздің дәлелі - халқымыздың елеулі еңбегі, Елбасымыздың татулықты ту еткен саясаты деп түсіну қажет, деді аймақ басшысы.