Бұл туралы Орталық коммуникациялар қызметі алаңында өткен баспасөз мәслихатында БҚО әкімі Нариман Төреғалиев айтты.​

Батыс Қазақстан облысында цифрлық инфрақұрылымды дамыту қарқынды жүргізілуде. Облыстағы 405 ауылдық елді мекеннің 343-і, яғни 85%-і интернетке қол жеткізген. Халық саны 50-ден төмен ауылдарды интернетпен қамтамасыз ету үшін 24 ауылға OneWeb спутниктік технологиясының станциялары орнатылуда.​​​
Сонымен қатар 5G стандартындағы 77 базалық станция іске қосылды. Интернет сапасын одан әрі жақсарту мақсатында «Қолжетімді интернет» ұлттық жобасы аясында 2027 жылға дейін 220 ауыл талшықты-оптикалық байланыспен қамтылатын болады.​

«Smart City» тұжырымдамасы бойынша ақылды қалалардың рейтингінде Орал қаласы 2024 жылдың қорытындысы бойынша 78,3%-бен үздік 5 қаланың қатарына енді. Бұл шаралар облыс тұрғындарының сапалы байланысқа қол жеткізуін қамтамасыз етіп, цифрлық даму көрсеткіштерін арттыруға бағытталған», - деді Н.Төреғалиев.