Сыбайлас жемқорлыққа қарсы стандарты

«Батыс Қазақстан облысының экономика және бюджеттік жоспарлау басқармасы» ММ-нің сыбайлас жемқорлыққа қарсы стандарты

 

1. Қоғамдық қатынас саласының атауы – облыстың әлеуметтік-экономикалық даму басымдықтарын қалыптастыруға және қол жеткізуге ықпал ететін, мемлекеттік жоспарлау жүйесін іске асыру саласы. 
2. Сыбайлас жемқорлыққа қарсы стандартты әзірлеушінің атауы - «Батыс Қазақстан облысының экономика және бюджеттік жоспарлау басқармасы» ММ-і.
3. Қоғамдық қатынастардың жеке саласына жұмыс істейтін адамдар іс-әрекет қағидалары: 

3.1. сыбайлас жемқорлыққа қарсы стандарттарымен қозғалатын салада жеке және заңды тұлғалардың (бюджеттік бағдарламалар әкімшілерін қоса) құқықтары мен заңды мүдделерін іске асыру кезінде:

- Қазақстан Республикасының Конституциясын, Бюджеттік заңнаманы және өзге Қазақстан Республикасының нормативтік құқықтық актілерді басшылыққа алу;

- бюджеттік бағдарламалар әкімшілерінің бюджеттік өтінімдерін қабылдау, олардың Қазақстан Республикасының бюджет және өзге де заңнамасына сәйкес келуі тұрғысынан қарауға;

- бюджеттік бағдарламалар әкімшілерінің бюджеттік бағдарламаларының жобалары нәтижелер көрсеткіштерін таңдаудың дұрыстығы, нәтижелер көрсеткіштерінің аумақтарды дамыту бағдарламаларының нысаналы индикаторларымен өзара байланыстылығы, нәтижелер көрсеткіштеріне қол жетімділік дәрежесі тұрғысынан, сондай-ақ олардың бюджеттік бағдарламалар әкімшісінің функцияларына, өкілеттіктеріне, қызметінің бағыттарына сәйкестігі тұрғысынан қарауға;

- Қазақстан Республикасының «Жеке және заңды тұлғалардың өтiнiштерiн қарау тәртiбi туралы» Заңында белгiленген тәртiппен әрi мерзiмде жеке және заңды тұлғалардан өтiнiштер қабылдауға және оларды қарауға;

- азаматтар мен заңды тұлғалар құқықтарының, бостандықтары мен заңды мүдделерiнiң сақталуын және қорғалуын қамтамасыз ету;

- қол жеткізу шектелген ақпаратқа жатпайтын ақпаратқа қол жеткізуді қамтамасыз ету;

- жалпы қабылданған моральдық-әдептілік нормаларын сақтауға, сыпайылық пен әдептілік танытуға;

- мемлекеттік қызметке, мемлекетке және оның институттарына сенімін сақтауға және нығайтуға;

3.2. Өз құзыреті шегінде басқарушылық және өзге шешімдерді даярлау және қабылдау кезінде:

- мемлекеттік-жекешелік әріптестік жобаларының тұжырымдамаларына және инвестициялық ұсыныстарға экономикалық қорытындысын Бюджет заңнамасына сәйкес дайындау;

- қабылдайтын шешімдердің заңдылығы мен әділдігін қамтамасыз етуге;

- Қазақстан Республикасының Конституциясына, заңнамаларға және жоғары тұрған деңгейдегі мемлекеттік органдардың құқықтық актiлеріне қайшы келмеуге тиіс;

- функцияларын өздерінің лауазымдық өкілеттіктеріне сәйкес жүзеге асыруға;

- лауазымдық өкілеттіктерін жүзеге асыру кезінде саяси партиялардың, қоғамдық және діни бірлестіктердің қызметінен бейтарап және тәуелсіз болуға;

- лауазымдық міндеттерін тиiмдi атқару үшiн өзiнiң кәсiби деңгейi мен біліктiлiгiн арттыруға;

- жеке және заңды тұлғалардың құқықтары мен заңды мүдделерін қозғайтын шешімдерді қабылдаудың ашықтығын қамтамасыз етуге;

- мемлекеттік органның ақпараттық ресурстарымен жұмыс процесінде ақпараттық қауіпсіздікті қамтамасыз етуге міндетті;

- өздеріне мәлім болған сыбайлас жемқорлық құқық бұзушылық жағдайлары туралы басшылыққа және (немесе) құқық қорғау органдарының назарына дереу жеткізуге;

3.3. Нормативтік құқықтық актілердің жобаларын даярлау кезінде:

- Қазақстан Республикасының Конституциясын, Қазақстан Республикасының «Құқықтық актілер туралы» Заңын  басшылыққа алу;

- жоғары тұрған деңгейдегі нормативтiк құқықтық актiлерге қайшы келмеу;

- нормативтік құқықтық актілердің әзірленген жобаларын ашық нормативтік құқықтық актілердің интернет-порталына көпшілік талқылауы үшін орналастырылу;

- азаматтардың құқықтарына, бостандықтары мен міндеттеріне қатысты нормативтік құқықтық актінің жобасын қоғамдық кеңестерге жіберу;

- нормативтiк құқықтық актiлердiң құқықтық мониторингiн жүргiзу;

- қабылданған нормативтiк құқықтық актiлермен танысу үшін мүдделi тұлғаларға оларды қолжетімді етуге;

3.4. тіршілік әрекеті саласы спецификасына байланысты туындайтын өзге қарым-қатынастар кезінде:

- мемлекет мүддесіне нұқсан келтіретін, мемлекеттік органның жұмыс істеу тиімділігіне кедергі жасайтын немесе тиімділігін төмендететін іс-әрекеттерге қарсы тұруға;

- жеке сипаттағы мәселелерді шешу кезінде мемлекеттік органдардың, ұйымдардың, мемлекеттік қызметшілер мен өзге де адамдардың қызметіне ықпал ету үшін өзінің қызметтік жағдайын пайдаланбауға;

- мемлекеттік меншіктің сақталуын қамтамасыз етуге, өзіне сеніп тапсырылған мемлекеттік меншікті, автокөлік құралдарын қоса алғанда, ұтымды, тиімді және тек қызметтік мақсатта ғана пайдалануға;

- іскерлік әдепті және ресми мінез-құлық қағидаларын сақтауға тиіс.

 

4. Өзге де шектеулер мен тыйым салулар:

- мемлекеттік функцияларды орындаумен сыйыспайтын қызметті жүзеге асыру;

- мүліктік және мүліктік емес игіліктер мен артықшылықтар алу немесе табу мақсатында, ресми таратылуға жатпайтын қызметтік және өзге де ақпаратты пайдалану;

- қызметтік өкілеттіктерін орындауына байланысты сыйлықтарды қабылдау;

- егер мүдделер қақтығысы орын алған болса, лауазымдық міндеттерін жүзеге асыру;

- шындыққа сәйкес келмейтін мәліметтерді таратпауға.