Батыс Қазақстан облысының дін істері басқармасында «Ашық есік күні» өткізілді

2023 жылдың 18 сәуір күні Батыс Қазақстан облысының дін істері басқармасында «Ашық есік күні» өткізілді.

Ашық есік күнінің мақсаты – мемлекеттік органның жұмысымен таныстыру, діни саладағы мемлекеттік саясатты қоғамға түсіндіру және жастарға бағыт-бағдар беру.

Қабылдау шарасында басқарма басшысы мен бөлім басшылары өңірдегі басқарманың негізгі қызметін, облыстағы діни ахуалды, діни бірлестіктермен жұмыс бағыты туралы таныстырды. Сонымен қатар, тұрғындардың мақсатты топ арасында ақпараттық-түсіндіру жұмыстардың жүргізілуі, шетелде діни білім алудың артықшылығы мен зияны, діни құқықбұзушылыққа қатысты мәселелер айтылды. Азаматтар өздерінің толғандырған мәселелері бойынша сауалдарына жауап алып, өтініш-тілектерін жеткізді.