Оқушылар арасында дінтанушы мамандардың қатысуымен онлайн кездесулер өтуде

Батыс Қазақстан облысы дін істері басқармасы Дін мәселелерін зерттеу орталығының бастамасымен 2021 жылдың 15 ақпанында дінтанушы-теолог мамандардың қатысуымен мектеп оқушылары арасында ақпараттық-түсіндіру жұмыстары (әрі қарай – АТТ) басталды.

Мақсаты – дін саласындағы мемлекеттік саясаттың негізгі бағыттары мен зайырлық мәселесін түсіндіру, деструктивті діни ағым идеологиясына қарсы иммунитет қалыптастыру, қазақ халқының салт-дәстүрін, мәдениетін, құндылықтарын насихаттау арқылы экстремизм мен терроризмнің таралуына жол бермеу.

Кездесулер барысында қарастырылатын тақырыптар:

• Деструктивті культтер, экстремистік ұйымдар мен ағымдар әрекетінің негізгі принциптері мен тәсілдері;
• Діни экстремизм: пайда болу себептері, негізгі сипаттары және қарсы тұру амалдары;
• Мемлекеттік саясаттың негізгі бағыттары, зайырлылық принциптері;
• Дәстүрлі құндылықтар және олардың дінмен өзара қарым-қатынасындағы ерекшеліктер;
• Дін мен дәстүрдің өзара байланысы;
• Дін саласындағы құқықтық заң бұзушылықтың салдары;
• Интернет ресурстарда теріс діни идеологияны насихаттайтын парақшалардың қауіптілігі.

АТТ жұмыстары онлайн форматта «Zoom» қосымшасы арқылы Орал қаласының жалпы орта білім беретін мектептерінің 9-11 сынып оқушылары, директордың тәрбие ісі жөніндегі орынбасарлары, мектеп психологтары арасында жүзеге асырылады.

Жоспарға сәйкес а.ж. 15-16 ақпанында теолог мамандар А.Нұрахметұлы, А.Раманкулов, А.Наурызов, О.Әміреев және Е.Гатауов №1, Ж.Молдагалиев атындағы №2, №3, №4, №5 және А.С.Макаренко атындағы №6 ЖОББМ-де түсінік жұмыстарын жүргізді. Шара барысында қатысушылар назарына жастардың қоғамдағы рөлі, дәстүрлі діндердің ерекшелігі, діни экстремизм мен терроризмнің қауіптілігі, оларға еріпкетпеу амалдары,әлеуметтік желілердегі қауіпсіздік және т.б. ақпараттар ұсынылды.

Іс-шара соңында қатысушылар тарапынан қойылған сұрақтарға жауаптар берілді.

АТТ жұмыстары 2021 жылдың 17 наурызына дейін жалғасын табады.