2021 жылғы 22 маусым күні Бөрлі аудандық аумақтық сайлау комиссиясының ұйымдастыруымен «Ауылдық деңгейдегі әкімдерді сайлауды әзірлеу және өткізу жөніндегі аумақтық сайлау комиссияларының қызметін ұйымдастыру» тақырыбында семинар өткізілді.
Семинарға Бөрлі ауданы бойынша мемлекеттік кірістер басқармасының, "БҚО Ұлттық қауіпсіздік комитетінің Бөрлі ауданы бойынша Департаментінің" , аудандық төтенше жағдайлар, полиция, Бөрлі ауданы әкімі аппаратының ұйымдастыру-бақылау жұмысы және мемлекеттік қызметтер мониторингі бөлімдерінің және учаскелік сайлау комиссияларының мүшелері қатысты.
Шара барысында «Аудандық маңызы бар қалалардың, ауылдардың, кенттердің, ауылдық округтердің әкімдерін тікелей сайлауды ұйымдастыру және өткізу туралы», «Әкімдікке кандидаттардың құжаттарының талаптарға сәйкестігін тексеру бойынша», «Ауылдық деңгейдегі әкімдерді сайлау барысында жергілікті атқарушы органдардың сайлаушылар тізімдерін жинақтауды қамтамасыз ету туралы» баяндамалар оқылып, түсіндірме жұмыстары жүргізілді.
Сонымен қатар сұрақтар қойылып, аталған мәтін бойынша талқылау жұмыстары жүргізілді берілді.