«Казгидромет» РМК Батыс Қазақстан облысы филиалының ескертуі бойынша 2024 жылдың 29-30 наурыз аралығында Батыс Қазақстан облысында күндіз оң мәнді ауа температурасының сақталуына және 31 наурыз-1 сәуір аралығында ауа температурасының +10, +15 градусқа дейін жоғарылауына, еріген қар ағындысының өзен арналарын толтыруына байланысты, мұздық құбылыстардың әлсіреуі, өзендерде су деңгейлерінің көтерілуі және қауіпті деңгейден асуы күтіледі, бұл ретте судың жайылуы және тасқыны болуы мүмкін. Құрметті аудан тұрғындары! Су басу қаупінің алдын алу мақсатында көшелерді қар мен еріген қар суынан тазарту жұмыстары тәулік бойы жүргізілуде, бұл жұмыстарға 53 бірлік техника, 20 мотопомпа және 153 адам жұмылдырылды. Коммуналдық қызметтердің көмегімен барлығы 38 мың аса текше метр еріген қар суы шығарылды. Қауіпті жерлерге 1490 құм салынған қаптар қойылды. Қала және аудан тұрғындарын коммуналдық қызметтер мен мердігерлердің жүктемесінің артуын түсіністікпен қарауды, сонымен қатар, тұрғын үйлері мен мүліктерін қорғау үшін барлық қажетті шараларды қабылдауды сұраймыз.