Қанай ауылына Бөрлі ауданының ауыл шаруашылық және кәсіпкерлік бөлімдерінің басшылары, "Мансап" орталығының басшысы мен маманы келіп, әлеуметтік бағдарламаларды түсіндіру мақсатында тұрғындармен кездесу өткізді.
Кездесу барысында ауыл шаруашылық кооперативтерін құру, "Ауыл аманаты" жобасы және "Күміс жас", "Әлеуметтік жұмыс орны", "Жастар практикасы", "Алғашқы жұмыс орны" бағдарламалары және шағын несие, мемлекеттік грант жөнінде толық ақпарат беріп, сұрақтарға жауап берді.
Қанай ауылдық округінде жергілікті қоғамдастық жиналысы өтті. Жиналыс барысында қаралған мәселелер:
1. 2023 жылғы атқарылған жұмыстар есебі (бюджеттің орындалуы). 2024 жылға арналған даму бағдарламасын бекіту;
2. Мемлекеттік бағдарламалар туралы («Ауыл аманаты», «Қаладан ауылға», «Дипломмен ауылға» т.б.);
3. Қанай ауылдық округі әкімі аппаратымен және Қанай мектеп-бөбекжай-балабақша кешенімен көрсетілетін мемлекеттік қызметтер туралы;
4. Сыбайлас жемқорлыққа қарсы мәдениетті қалыптастыру шаралары;
5. Алаяқтық пен қылмыстың алдын алу шаралары, үй жануарларын бағусыз жібермеу, оларды таңбалау және т.б. ветеринариялық шаралар мен әкімшілік жауапкершілік туралы;
6. Мәдени-көпшілік іс-шаралар туралы;
7. Скринингтік тексерулер туралы;
8. Ағымдағы мәселелер.