2022 жылғы 5 мамырда "Қазақстан Республикасындағы сайлау туралы" Қазақстан Республикасы Конституциялық Заңының 113-3-бабына сәйкес Бисен ауылдық округінің әкімі лауазымына үміткер болып келесі тұлғалар тиісті құжаттарын аумақтық сайлау комиссиясына тапсырды.
1. Өзін-өзі ұсыну жолымен - Бөкей ордасы ауданы Сайқын ауылының тұрғыны Абдуллин Шыңғыс Тұрарбекұлы. Білімі - жоғары, Батыс Қазақстан гуманитарлық академиясын "қаржы" мамандығы бойынша бітірген. Қазіргі уақытта Бөкей ордасы аудандық жұмыспен қамту және әлеуметтік бағдарламалар бөлімінің басшысы болып жұмыс істейді.
2. Өзін-өзі ұсыну жолымен - Насыров Миллат Талғатұлы, Бөкей ордасы ауданы Сайқын ауылының тұрғыны. Білімі - жоғары, М.Өтемісов атындағы Батыс Қазақстан мемлекеттік университетін "мәдени демалу жұмысы" мамандығы бойынша бітірген. Қазіргі уақытта Бөкей ордасы аудандық демалыс орталығының "Нарын" музыкалық аспаптар ансамблінің жетекшісі болып жұмыс істейді.