2020 жылдың 1 қаңтарында ауданда шағын кәсіпкерлік субъектілерінің саны 1049-ға жетіп, 2018 жылдан 8,7%-ға артты. Осы салада 1626 адам жұмыспен қамтылған, бұл былтырғы жылдың көрсеткішінен 10,8%-ға көп. Ауданның шағын бизнес субъектілері 4 млрд. 895 млн. теңгенің өнімдерін өндіріп, қызметтерін көрсетті, бұл 2018 жылдың осы кезеңімен салыстырғанда 36,5%-ға жоғары.
2019 жылы «Еңбек» мемлекеттік бағдарламасы аясында 84 адам 281 млн. теңге несие алды.
2019 жылдың басында Қазақстанда бастау алған «Қарапайым заттар экономикасы» несиелендіру бағдарламасы бойынша 6 адам 104 млн. 210 мың теңге алды.
«Бастау бизнес» жобасы бойынша 267 адам оқытылып, оның 17-і шағын несие, 75-і 505 мың теңгеден және 12-і 252 мың теңгеден ақшалай грант алды. Бұл қаржылар мал өсіру, тұрмысқа қажетті қызмет көрсету орындарын ашу және шағын өндіріс орындарын ашуға бағытталған.
Есепті кезеңде ауданда 3 азық-түлік және 1 шаруашылық дүкендері, шаштараз, шайхана, асхана, наубайхана, дәріхана, автокөлік жуу, монша, балалар кафесі ашылды.
«Бизнестің жол картасы - 2020» бағдарламасы аясында 2019 жылы Сайқын ауылында робототехника және модельдеу бойынша оқыту кәсіпкерлік жобасы 2 млн. теңге көлемінде мемлекет грантына ие болды. Қазіргі таңда кәсіпкеріміз қажетті құрал-жабдықтарын алды.
Өткен жылы аудан орталығында 7 ауыл шаруашылық жәрмеңкесі ұйымдастырылып, тұрғындарға қолжетімді бағамен 7 млн. 500 мың теңгенің өнімі сатылды.