Қазақстан Республикасының «Сайлау туралы» Конституциялық Заңының 113-3 бабына сәйкес, 2021 жылдың 3 шілдесі күні Темір Масин ауылдық округі әкіміне үміткер болып, «Nur Otan» саяси партиясы ұсынуымен Қитанов Меңдібай аумақтық сайлау комиссиясына тиісті құжаттарын тапсырды. Ол Бөкей ордасы ауданы Темір Масин ауылдық округі Бөрлі ауылының тұрғыны. 1986ж. Орал совхоз-техникумын зоотехник мамандығы бойынша бітірсе, 2007 жылы Батыс Қазақстан гуманитарлық академиясын "заңгер" мамандығы бойынша тамамдаған. Қазіргі уақытта Темір Масин ауылдық округі әкімі болып жұмыс жасайды.
Саралжын ауылдық округі әкіміне үміткер болып , «Nur Otan» саяси партиясы ұсынуымен Кереш Нарынбек Сегізбайұлы аумақтық сайлау комиссиясына тиісті құжаттарын тапсырды.
Ол Бөкей ордасы ауданы Саралжын ауылының тұрғыны. 2000 жылы Орал аграрлық-техникалық колледжін "ветеринарлық дәрігер" мамандығы бойынша бітірген, 2018 жылы Қазақстан инновациялық және телекоммуникациялық университетін "заңгер" мамандығы бойынша бітірген. Қазіргі кезде Саралжын ауылдық округі әкмінің міндетін атқарушы болып жұмыс жасап жүр.
Бөкей ордасы аудандық аумақтық сайлау комиссиясы ауыл әкімдеріне үміткерлерді Қазақстан Республикасының «Сайлау туралы» Конституциялық Заңына және «Мемлекеттік қызмет туралы» Заңына сәйкестігін анықтайтын болады.