Бүгін БҚО білім басқармасының басшысы Елдос Сафуллиннің жетекшілігімен Сырым ауданына қарасты Бұлан мектеп-бөбекжай-балабақша кешенінде жұмыс кеңесі өтті
Кездесудің мақсаты – облыс әкімінің қабылдауында білім саласы бойынша көтерілген мәселелерге қатысты түсіндіру жұмыстарын жүргізу.
Кеңесте білім беру ұйымының жылу жүйесінің жай-күйі, интернет байланысының сапасы және «Ауыл мектебі – сапа алаңы» жобасының іске асу барысы талқыланды. Жылу жүйесін жаңғырту мәселесі бақылауға алынып, интернет сапасын тұрақты қамтамасыз ету және педагогтердің цифрлық құзыреттілігін арттыру қажеттігі айтылды.
Жиын қорытындысында ауыл мектебіндегі білім сапасын арттыру бағытындағы жұмыстарды жалғастырудың маңыздылығы атап өтілді.