Кәмелетке толмағандар арасындағы аутодеструктивті мінез-құлықтың алдын алу – басты назарда

Бүгін облыстық білім басқармасының басшысы Елдос Сафуллиннің төрағалығымен кәмелетке толмағандар арасындағы аутодеструктивті мінез-құлық фактілерінің алдын алу мәселесіне арналған жұмыс отырысы өтті.

Отырысқа:

басқарма мамандары

облыстық әдістемелік психологиялық қолдау орталығының директоры

аудан әкімдерінің орынбасарлары

аудандық білім беру бөлімдерінің басшылары

облыстық мектептер мен колледж директорлары қатысты.

Жиын барысында балалар мен жасөспірімдер арасындағы аутодеструктивті мінез-құлықтың алдын алу мәселелері жан-жақты талқыланды. Аталған бағыт – бала құқықтарын қорғау саласындағы мемлекеттік саясаттың және Батыс Қазақстан облысының білім беру жүйесінің басым бағыттарының бірі.

Сонымен қатар басқарма басшысы ҚР Бала құқықтары жөніндегі уәкілі Динара Закиеваның және облыс әкімі Нариман Төреғалиевтің қатысуымен өткен жиында айқындалған нақты тапсырмалар мен іс-қимыл бағыттарын қатысушыларға жеткізді.

Отырыс барысында:

білім беру ұйымдарында психологиялық қолдауды күшейту

алдын алу жұмыстарын жүйелеу

жауапты құрылымдар арасындағы өзара іс-қимылды арттыру қажеттігі атап өтілді.

Балалардың өмірі мен қауіпсіздігі – баршамыздың ортақ жауапкершілігіміз.