*Балалардың амандығы – басты назарда!*

10 қыркүйекте Ақжайық ауданында БҚО әкімдігі жанындағы *Кәмелетке толмағандар істері және олардың құқықтарын қорғау жөніндегі комиссияның көшпелі отырысы* өтті.

 Отырысқа облыс әкімінің орынбасары *Қайыржан Меңдіғалиев*, облыстық білім басқармасының басшысы *Елдос Сафуллин*, сондай-ақ тиісті басқарма өкілдері мен бала құқықтарын қорғау жөніндегі уәкілдер қатысты.

 Жиында көтерілген басты мәселелердің бірі — балалардың құқықтарын қорғау, олардың қауіпсіз ортада өмір сүруін қамтамасыз ету. Бұл ретте:
 отбасы құндылықтарын дәріптеу
 ата-ана мен бала арасындағы өзара түсіністікті нығайту
 мектептегі тәрбие жұмысын күшейту
 психологиялық қолдауды жетілдіру қажеттігі айтылды.

 Комиссия мүшелері өзара пікір алмасып, бірқатар нақты ұсыныстар енгізді. Алдағы уақытта отбасылық құндылықтарды насихаттау және ата-аналармен түсіндіру жұмыстарын күшейту бағытында жүйелі шаралар жүзеге асырылмақ.