*Ұстаздар өсірген жасыл бақ – еңбек пен тәрбиенің үлгісі*

Шыңғырлау ауданы Амангелді негізгі орта мектебінің ұжымы жазғы демалысты тиімді өткізіп, бақша өсіруді дәстүрге айналдырған.

Дене шынықтыру пәнінің мұғалімі *Лесов Жүсіпқали*, тарих пәнінің маманы *Лесова Ақмарал*, қазақ тілі мен әдебиеті пәнінің мұғалімі *Қадырбек Нұрдәулетұлы* бастаған ұстаздар тобы 2023 жылдан бері *қарбыз бен қауын* егіп келеді.

Көшеттер арнайы көшетханада бапталып, кейін тамшылатып суару әдісімен егілді. Тыңайтқыш ретінде сұйық биогумус қолданылып, экологиялық таза өнім алуға мән берілген.

 Бұл – жай еңбек емес, табиғатты аялау мен шәкіртке үлгі болудың нақты жолы.