Тамыздың он екісінде атап өтілетін мерекенің биыл да үрдісі үзілмеді

Аудан жастары қай салада болмасын белсенділік танытып жүр. «Жалынды жастық шақ» атты мерекелік кеште әр ауылдық округте жастармен жұмыс атқаратын, аудан жастарына қолдау білдіріп, жетістікке жетуіне үлестерін қосып жүрген мамандарға аудан әкімі М.Тоқжановтың алғыс хаты табысталды.

Сонымен қатар ауданның өсіп өркендеуі мен қоғамдық дамуына белсенді араласып жүрген бір топ жастар БҚО Қоғамдық даму басқармасының міндетін атқарушы Қ.Темировтың және Облыстық жастар орталығының басшысы А.Ибраевтың алғыс хатымен марапатталды.

- Аудан әкімдігі тарапынан жастарды қолдау жоғары деңгейде. Бұқаралық шараларға белсенділік танытып, еңбегіміз еленіп, бүгін міне, марапатталып жатырмыз. Барша аудан жастарын мерекемен шын жүректен құттықтаймын!,- дейді Махаббат Абатқызы.

Бәйтерек ауданында қазіргі күні 16 мыңнан аса жас бар. Олардың қоғамға белсене араластыру мақсатында түрлі шаралар ұйымдастырылады. Құқықтық көмек көрсету, жұмыспен қамту, волонтерлік қозғалыстарды қолдау секілді жұмыстар жасалуда. Тек жастар тарапынан ынта мен жігер болса жеткілікті.

- Жаңа Қазақстанның жастары – тың идеяға толы жандар. Тек ізденіс пен адал еңбек болса жеткілікті. Сондықтан мен жастарға сенім білдіремін. Ауданымыздың ғана емес еліміздің атын шығаратын жастарымыз көп болсын,- дейді Жастар ресурстық орталығының басшысы Жанар Асылбекқызы.

Бұл мерекелік концертте аудан өнерпаздарының сазды бағдарламасы да, бояулар шоуы да болды. Және де ең бастысы бұл мерекелік шарамыздың арнайы қонағы Алина Герц @alina.gerc болды. Жастар күніне арналған кеште заманауи әндер айтылып, жұртшылыққа көтеріңкі көңіл сыйлады. Мерекелік концерттің соңы КазИИТУ-дің қолдауымен би кешіне ұласты. Шара соңы мерекелік отшашумен аяқталды.

@batys_kz @jastarlive @aqjaiyqjastary @yerlan__galiev @bissekenov_mirfat @qogamdyq_damu_baskarmasi @alina.gerc @ansaribraev_official @zholdaskaliyev