Құрметті денсаулық сақтау саласының қызметкерлері!

​Сіздерді кәсіби мерекелеріңізбен шын жүректен құттықтаймын!

​Азаматтардың рухани дүниесі мен денінің саулығы – мемлекеттің басымдық беріп отырған маңызды міндеттерінің бірі. Қай қоғамда болмасын, адамзат үшін ең қадірлі мамандық иесі – дәрігер. Өйткені, денсаулықтан артық бұл дүниеде байлық жоқ.

​Бұл міндетті тек медицина мамандары ғана табысты іске асыра алады. Ұлт денсаулығын нығайтып, салауаттылықты дәріптеуде атқарған орасан зор еңбектеріңіз құрметке лайық.

Ардақты ақ халатты абзал жандар!

​Сіздердің толассыз еңбектеріңіздің өлшемінде өмір қуанышымен қайта қауышқан талай адамның тағдыры тұр. Тұрғындар денсаулығын қорғаудағы қажырлы істеріңіз үшін шын жүректен алғыс білдіремін. Елдің алғысына бөлене беріңіздер.

​ Мереке құтты болсын!

Құрметпен, аудан әкімі М.Тоқжанов