Қауіпсіздік шаралары

Қалыптасқан құрғақ және ыстық ауа райымен өрт қауіпті жағдай айтарлықтай өсті. Осылайша, 2020 жылғы 7 сәуірде Бәйтерек ауданы Железнов ауылдық округінің аумағында шөп өсімдіктері, егін қалдықтары өртенді. Желді ауа райы кезінде дала алқаптарында құрғақ жанған, өрт сөндіру бойынша шаралар қабылданбаған жағдайда үлкен алаңдарды қамтуы мүмкін.

Болған жағдайды, жану себептері және кінәлі адамдарды анықтау үшін тез арада Бәйтерек ауданының төтенше жағдайлар бөлімінің, Железнов ауылдық округі әкімі аппаратының қызметкерлерінен жедел топ құрылды. Іс-шара барысында механизатор және шаруа қожалығының басшысы ауыл шаруашылығы жұмыстарын жүргізу кезінде өрт қауіпсіздігі талаптарын өрескел бұзғандығы анықталды.

Мұндай фактілерге жол бермеу мақсатында шаруа қожалығының қызметкерлері арасында өрт қауіпсіздігі талаптарын бұзуға жол бермеу жөнінде түсіндіру жұмыстары жүргізілді, олар ірі материалдық залал келтіруге, адамдардың денсаулығы және қоршаған ортаға зиян келтіруге әкеп соқтыруы мүмкін. Өрт қауіпсіздігі ережелерінің талаптарын бұзғаны үшін шаруа қожалығына қатысты әкімшілік жаза қолданылды.

Айта кету керек, жыл басынан бері аудан аумағында 229,7 га алқапта 24 табиғи жану орын алған. Бұл ретте дала өрттері және жануды сөндіру үшін бірнеше сағаттан бірнеше тәулікке дейін уақыт кетеді, онда жанар-жағар май материалдарының үлкен көлемі, материалдық ресурстар жұмсалады, адамдар өз денсаулығы мен өміріне қауіп төндіреді.

Осындай оқиғалар қайталанбас үшін ормандар мен далаларда отпен жұмыс істеу кезінде аса сақ болуға шақырамыз. Далалық жұмыстарға тартылатын адамдар орман-дала алқаптарындағы өрт қауіпсіздігінің негізгі шаралары туралы білуі тиіс, техниканы жарамды ұшқын сөндіргіштермен жабдықтау және жарамды күйде ұстау қажет.

БҚО ТЖД Бәйтерек ауданы ТЖБ