Бәйтерек ауданында тазалық айлығы басталды.

Айлық аясында ауылдардың ішіндегі санитарлық тазалау жұмыстары жүргізіліп, ірі қоң қоқыстар шығарылып, тал егу жұмыстары іске асатын болады.

- Ауылымызды үйіміз секілді таза ұстау керек. Бұл жерде қоқысты бірге жинайық деген бастама емес. Таза ұстайық, күтіп ұстайық, қадірлейік, қастерлейік деген бастама болу керек! Осыны тұрғындарымызға жеткізіңіздер! - деді аудан әкімі айлықтың басталуы жөніндегі жиында.

Сондай ақ жиында биылғы тал егу жұмыстарын дұрыс жолға қойып, олардың әрі қарай өсіп кетуіне жағдай жасау мәселесі сөз болды. Ауыл әкімдері мен тиісті бөлім басшыларына тапсырмалар берілді.