Бектілген кестеге сәйкес, 14 қараша күні аудан әкімі Марат Тоқжанов Шалғай ауылдық округінде халықпен кездесіп, осы жылы атқарылған жұмыстар туралы баяндады. Сондай-ақ, ағымдағы жылға жоспарымен бөлісіп, тұрғындар сұрақтарына жауап берді.
Мерейтой иесін құттықтады!
Шалғай ауылдық округінің тұрғыны, ардақты ана, қадірлі әже Истамгазиева Гульсасан Зайнутдиновна 90 жасқа толып отыр!
Осы қуанышты күні мерейтой иесін шын жүректен құттықтаймыз! Сізге зор денсаулық, отбасыңызға амандық, ұзақ та бақытты ғұмыр тілейміз. Сіздің өмір жолыңыз – кейінгі ұрпаққа үлгі.
Мерейтой иесін ауылдық округ әкімі Н.Конашев құттықтап, естелік сыйлық табыстады.
Ағымдағы жылдың, қыркүйек айының 25-күні Шалғай ауылында Шалғай ауылдық округінің әкімі Н.Конашев, учаскелік полиция инспекторы Е.Кожимбетовпен бірге “Таза Қазақстан“ акциясы аясында ауылды абаттандыру және көркейту ережелерінің, бұзу, яғни Қазақстан
Республикасының әкімшілік кұқық бұзушылықтар туралы кодексінің 505-бабының талаптарын бұзғаны үшін ауыл тұрғындарына ескерту жұмыстары жүргізіліп, хабарламалар берілді.
Сонымен қатар, Ауыл шаруашылығы жануарларын (соның ішінде сиыр, жылқы, қой және т.б.) ұстау қағидаларына сәйкес, мал жаю тек қана табынмен жүргізілуі тиіс. Елді мекендер аумағында иесіз жүрген мал анықталған жағдайда, ҚР ӘҚБтК-нің 408-бабына сәйкес 3-тен 10 АЕК-ке дейін (11 796 – 39 320 теңге) әкімшілік айыппұл түріндегі шаралар қолданылатыны туралы ескертіліп, хабарлама берілді.
Шалғай ауылдық округінің әкімі тағайындалды.
📍7 қыркүйек күні өткен сайлау нәтижесінде Шалғай ауылдық округінің әкімі болып Нұрсұлтан Әлібекұлы Қонашев сайланды.
📌Ауылдық округ активімен кездесуде аудан әкімі аппаратының басшысы Б.Ахметжанов пен Бәйтерек ауданының аумақтық сайлау комиссиясы төрағасы Р.Ихласов жаңадан сайланған әкімді таныстырып, куәлік табыстады.
📌Жиын барысында Болатбек Аманжолұлы қоғамдық- саяси науқанда белсенділік танытқан тұлғаларға алғыс білдіріп, ел сенімін абыроймен ақтаудың маңыздылығын атап өтті.
📌Ауыл тұрғындары қайта сайланған әкімге сәттілік тілеп, алдағы жұмысына қолдау білдірді. Ел ағалары мен ақсақалдар Нұрсұлтан Әлібекұлына ауылды дамыту бағытында жүйелі жұмыс атқаратынына сенім білдірді.
✅Сайланған әкімге жауапты қызметінде табыс тілейміз!
#Шалғай Ауылдық округі
#Әкім Сайлауы
#ЖергіліктіБасқару
#АуылДамуы
#БәйтерекАуданы