Дала өрттерінің, сондай-ақ өрттердің алдын алу және оларды сөндіру жөніндегі іс-шараларды жүзеге асыру мақсатында ұйымдар мен елді мекендерде өртке қарсы ерікті құралымдар құрылуы мүмкін.
Өртке қарсы ерікті құралымдардың негізгі міндеттеріне:
1) дала өрттерінің, сондай-ақ ұйымдар мен елді мекендерде өрттердің алдын алу және оларды сөндіру;
2) дала өрттерін, сондай-ақ ұйымдар мен елді мекендерде өрттерді сөндіруге байланысты авариялық-құтқару жұмыстарын жүргізу;
3) өрт қауіпсіздігі саласындағы жұмыстарды орындау және қызметтерді көрсету;
4) халықты өрт қауіпсіздігі шараларына және өрт туындаған кездегі іс-қимылдарға үйрету.
Сондай-ақ, округ аумағында су тасқынына қарсы іс-шараларға жұмылдырылған бригада штабы құрылады.