Егіндібұлақ ауылдық округінде төтенше жағдайлардың алдын алу жұмыстары тұрақты түрде жүргізіледі. Аудандық төтенше жағдайлардың алдын алу және оларды жою жөніндегі комиссиясының тапсырмаларын орындап, жұмыстар атқарылады.
Қаңтар айынан бастап сәуір айына дейін көктемгі су басудың алдын алу бойынша жұмыстар жүргізіледі. Алдын ала тұрғындарға хабарламалар тарату, су өтетін құбырларды тазалау және жалғызбасты зейнеткерлердің аулаларын қардан тазалау жұмыстары жүргізіледі.
Жыл сайын мотопомпа, генератордың жұмыс істеуі тексеріліп, құм және қапшық дайындалады.
Ауылдық округте құрамы 7 адамнан тұратын ерікті халық жасағы құрылған. Олар дала өрттерінің алдын алу бойынша практикалық оқулардан өтеді.