АҚЖАЙЫҚ АУДАНЫНЫҢ АУМАҚТЫҚ САЙЛАУ КОМИССИЯСЫНЫҢ ҚАУЛЫСЫ
Чапаев ауылы №16 2024 жылғы 7 тамыз
Қазақстан Республикасы Батыс Қазақстан облысы
Ақжайық ауданының Алмалы, Қабыршақты, Құрайлысай ауылдық округі әкімдерінің сайлауын тағайындау туралы
«Қазақстан Республикасындағы сайлау туралы» Қазақстан Республикасының Конституциялық заңының 14-бабының 8-1)-тармақшасына және 113-1-бабының 1 тармағының 1 тармақшасына сәйкес Ақжайық ауданының аумақтық сайлау комиссиясы ҚАУЛЫ ЕТЕДІ:
- Қазақстан Республикасы Батыс Қазақстан облысы Ақжайық ауданының Алмалы, Қабыршақты, Құрайлысай ауылдық округі әкімдерінің сайлауы 2024 жылғы 24 қарашаға тағайындалсын.
- 2024 жылғы 24 қарашаға тағайындалған Қазақстан Республикасы Батыс Қазақстан облысы Ақжайық ауданының Алмалы, Қабыршақты, Құрайлысай ауылдық округі әкімдерінің сайлауын әзірлеу мен өткізу жөніндегі негізгі іс-шаралардың қоса беріліп отырған күнтізбелік жоспары бекітілсін.
- Сайлау шаралары «Қазақстан Республикасындағы сайлау туралы» Қазақстан Республикасының Конституциялық заңына сәйкес өткізілсін.
- Осы қаулының көшірмесі Ақжайық ауданының әкіміне жолдансын.
- Осы қаулы Ақжайық ауданы әкімдігінің интернет-ресурсында және сайлау болатын күн туралы хабар аудандық «Жайық таңы» қоғамдық–саяси газетінде жариялансын.
- Осы шешім қол қойылған күннен бастап күшіне енеді.
Ақжайық ауданының аумақтық сайлау
комиссиясының төрағасы Е.Мангуров