Ақжайық ауданының аумақтық сайлау комиссиясының
2024 жылдың 7 тамыздағы №9 қаулысы
Қазақстан Республикасы Батыс Қазақстан облысы
Ақжайық ауданы Ақжол және Мерген ауылдық округі әкімдерінің
сайлауын тағайындау туралы
«Қазақстан Республикасындағы сайлау туралы» Қазақстан Республикасының Конституциялық заңының 14-бабының 8-1)-тармақшасына және 113-1-бабының 1 тармағының 1 тармақшасына сәйкес Ақжайық ауданының аумақтық сайлау комиссиясы ҚАУЛЫ ЕТЕДІ:
- Қазақстан Республикасы Батыс Қазақстан облысы Ақжайық ауданы Ақжол және Мерген ауылдық округі әкімдерінің сайлауын 2024 жылғы 15 қыркүйекке тағайындалсын.
- 2024 жылғы 15қыркүйекке тағайындалған Қазақстан Республикасы Батыс Қазақстан облысы Ақжайық ауданы Ақжол және Мерген ауылдық округі әкімдерінің сайлауын әзірлеу мен өткізу жөніндегі негізгі іс-шаралардың қоса беріліп отырған күнтізбелік жоспары бекітілсін.
- Сайлау шаралары Қазақстан Республикасының «Қазақстан Республикасындағы сайлау туралы» Конституциялық заңына сәйкес өткізілсін.
- Осы қаулының көшірмесі Ақжайық ауданының әкіміне жолдансын.
- Осы қаулы Ақжайық ауданы әкімдігінің интернет-ресурсында және сайлау болатын күн туралы хабар аудандық «Жайық таңы» қоғамдық–саяси газетінде жариялансын.
Төраға Е.Мангуров
Хатшы А.Нургазиева