Батыс Қазақстан облысы
«Ақжайық ауданы әкімі аппараты»
мемлекеттік мекемесі қызметінде
сыбайлас жемқорлық тәуекелдеріне
ішкі талдау жүргізу туралы
Қазақстан Республикасының «Сыбайлас жемқорлыққа қарсы іс-қимыл туралы» Заңын және Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының «Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы» бұйрығына сәйкес БҰЙЫРАМЫН:
- Батыс Қазақстан облысы «Ақжайық ауданы әкімі аппараты» мемлекеттік мекемесі (бұдан әрі – аудан әкімі аппараты) қызметінде сыбайлас жемқорлық тәуекелдеріне ішкі талдау жүргізілсін.
- Сыбайлас жемқорлық тәуекелдеріне ішкі талдау келесідей бағытта жүргізілсін:
1) Аудан әкімі аппараты қызметін қозғайтын нормативтік құқықтық актілерде сыбайлас жемқорлық тәуекелдерін анықтау;
2) Аудан әкімі аппаратының ұйымдастырушылық – басқарушылық қызметіндегі сыбайлас жемқорлық тәуекелдерін анықтау.
- Осы бұйрықтың қосымшасына сәйкес, аудан әкімі аппараты қызметінде сыбайлас жемқорлық тәуекелдеріне ішкі талдау жүргізу жөніндегі жұмыс тобының құрамы бекітілсін.
- Аудан әкімі аппаратында сыбайлас жемқорлық тәуекелдеріне ішкі талдау жүргізу уақыты 13.09.2023 жыл – 13.10.2023 жыл аралығы, талдау жүргізу кезеңі 01.07.2022 жыл – 30.08.2023 жыл аралығы болып белгіленсін.
- Сыбайлас жемқорлық тәуекелдеріне ішкі талдау аяқталғаннан кейін жұмыс тобымен талдамалық анықтама келісімге ұсынылсын.
- Ақжайық ауданы әкімі аппаратының 2023 жылғы 19 қаңтардағы № 4н/қ бұйрығының күші жойылсын.
- Сыбайлас жемқорлық тәуекелдерін ішкі талдау нәтижелері және сыбайлас жемқорлық тәуекелдерін жою бойынша қабылданған шаралар туралы ақпарат мемлекеттік органдардың интернет-ресурсы бірыңғай платформасына орналастырылсын.
- Осы бұйрықтың орындалуын бақылауды өзіме қалдырамын.
Р.Рахметуллин