«Республикалық референдум туралы» Қазақстан Республикасының 1995 жылғы 2 қарашадағы Конституциялық заңының 6-бабының 3-тармағына, 8-бабының 2-тармағына, 21-бабының 1-тармағының 1) және 2) тармақшаларына, 24-бабының 3-тармағына және «2022 жылғы 5 маусымда республикалық референдум өткізу туралы» Қазақстан Республикасы Президентінің 2022 жылғы 5 мамырдағы №888 Жарлығы негізінде Қазақстан Республикасының Орталық референдум комиссиясының және Облыстық референдум комиссиясының қаулысын басшылыққа ала отырып Ақжайық аумақтық референдум комиссиясы ШЕШТІ:
- Ақжайық аумақтық референдум комиссиясы 2022 жылдың 12 мамырына дейін референдум комиссияларының құрамдары, комиссиялардың орналасқан жері мен жұмыс уақыты туралы мәліметтерді аудандық қоғамдық - саяси «Жайық таңы» газетінде және сайтта жарияласын.
- 2022 жылғы 5 маусымға тағайындалған республикалық референдумды әзірлеу мен өткізу жөніндегі негізгі іс-шаралардың қоса беріліп отырған күнтізбелік жоспары бекітілсін.
- Республикалық референдумды әзірлеу мен өткізу кезінде референдум комиссиялары тиісті сайлау комиссияларының мөрлері мен интернет-ресурстарын пайдаланатыны белгіленсін.
- Аудандық және ауылдық округ әкімдіктері референдум комиссияларының билігіне референдумды әзірлеу мен өткізу үшін қажетті үй-жайларды, жабдықтар мен көлік құралдарын беру жөніндегі шараларды көздесін, референдум комиссияларына олардың өкілеттіктерін жүзеге асыруға жәрдемдессін, олардың жұмысына қажетті мәліметтер мен материалдарды беруін, басқа да көмекті көрсетсін.
- Осы шешімнің орындалуын қадағалау Ақжайық аумақтық референдум комиссиясы мүшелеріне жүктелсін.
Аудандық сайлау
комиссиясының төрағасы С.Аймукашев