БЖЗҚ сайтындағы жаңартулар

АҚПАРАТТЫҚ ХАБАРЛАМА

БЖЗҚ сайтындағы жаңартулар

Қазақстан Республикасының бірқатар нормативтік құқықтық актілеріне өзгерістер енгізілуіне, сондай-ақ, БЖЗҚ-да көрсетілетін зейнетақы қызметтерінің жетілдірілуіне байланысты БЖЗҚ-ның корпоративтік сайты да үнемі жаңартылып, ондағы онлайн-қызметтердің тізімі кеңейтіліп, салымшылар мен алушыларға ақпараттық қолдау көрсету күшейтілуде.

Қазір БЖЗҚ-ның барлық қызметтерінің 90% астамы электрондық форматта көрсетіледі. www.enpf.kz корпоративтік сайтында барлық ақпарат үш тілде (қазақ, орыс, ағылшын) ұсынылған.

            БЖЗҚ сайтындағы жеке кабинетте Сіз:

  • өз зейнетақы жинақтарыңыздың жай-күйін тексеріп, жеке зейнетақы шотыңыздан үзінді көшірме қалыптастыра аласыз;
  • деректемелеріңізге өзгерістер мен толықтырулар енгізесіз;
  • инвестициялық портфельді басқарушыны таңдау туралы өтініш беріп, сонымен қатар осы өтініштің күшін жоя аласыз;
  • зейнетақы төлемдерін тағайындау туралы өтініш бересіз;
  • төлемге/аударымдарға берілген өтініштің жағдайын тексересіз;
  • жеке зейнетақы шотыңыздың бар екендігі туралы анықтама аласыз;
  • зейнетақы шартының «телнұсқасын» ала аласыз;
  • ақпарат алу тәсілін «жеке кабинет арқылы электрондық цифрлық қолтаңбаны (ЭЦҚ) немесе пайдаланушы ретіндегі логиніңіз бен пароліңізді пайдалана отырып» өзгерте аласыз.

Жеке кабинетте электрондық цифрлық қолтаңба (ЭЦҚ) арқылы немесе ЖСН мен парольді енгізу арқылы авторлануға болады.

Салымшыларға (алушыларға) қолайлы болуы және олардың жеке уақытын үнемдеу үшін сайтта қашықтан беруге болатын зейнетақы төлемдерін тағайындау туралы өтініш түрлерінің желісі кеңейтілді. Енді бұл қызметті ерікті зейнетақы жарналары есебінен БЖЗҚ-да зейнетақы жинақтары бар зейнетақы төлемдерін алушылардың төмендегі санаттары да пайдалана алады:

- 50 жасқа толған тұлғалар;

- мүгедектігі бар тұлғалар.

Өтініш берер алдында қолданыстағы ЭЦҚ-ның, жеке басын куәландыратын құжаттың, Қазақстан Республикасының ұлттық валютасында ашылған банк шотының бар екендігіне көз жеткізу қажет. Өтініш беру мақсатында БЖЗҚ сайтындағы (www.enpf.kz) жеке кабинетте ЭЦҚ-ның көмегімен авторланудан өтіп, «Қызметтер» бөліміндегі «Зейнетақы төлемдерін тағайындау туралы өтініш беру» қызметін таңдау қажет, одан әрі тиісті құжаттарды толтырып, ЭЦҚ-мен қол қою керек. БЖЗҚ-ның өтінішті өңдеу мәртебесін Сіз жеке кабинетіңіздің «Қызметтер» бөліміндегі «Менің төлемдер/аударымдар туралы өтініштерім» қызметі, сондай-ақ, БЖЗҚ корпоративтік сайты арқылы оңай қадағалай аласыз.

Дата публикации
09 июля 2021