25 мамыр күні Сарытоғай ауылдық округі орталығы Жанама ауылының кіре берісіне "Рухани жаңғыру" бағдарламасы аясында 2009 жылғы мектеп бітіруші түлектердің демеушілігімен тұрғызылған ауыл қақпасының (арка) ашылу салтанаты өтті. Салтанатқа жиылған ауыл тұрғындарын ауыл әкімі Абзал Жәрдемұлы, қоғамдық келісім кеңесінің төрағасы А.Биғалиев, сынып жетекшісі Ш.Сүлейменова құттықтап, 2009 жылғы түлектерге туған ауылына жасап жатырған игі істеріне алғыс айтты. 2009 жылғы түлектер атынан Р.Нұрғалиев, Ж.Жұмашев, Е.Әміров құттықтай отырып, болашақта әр жылғы түлектерді ауылдың көркейуіне өз үлестерін қосуға шақырды.