Ақсуат мәдениет үйінің ғимараты 2022 жылғы қазанда бұзылып, қайта салынуға жоспарлануда. Қазіргі таңда әкімшілік ғимаратының бір бөлмесіне көшірілді. Жоспарланған мәдени іс-шаралар С.Ошанов мектебінің акт залында спорт және балалар алаңы мен әкімшілік ғимаратында өткізілді. Аталған шараларға тоқтала кетсем, «Рухани жаңғыру» бағдарламасы аясында С.Ошановтың 125 жылдығына арналған «Ел тағдырын еңкеймей көтерген Ер» атты мәдени көпшілік шара өткізілді. Үлкендерге ас беріліп, өнерпаздар әндерін тарту етті. Спорттық ойындарға Сұлтан Ошановтың ұрпақтары 300 мың теңге көлемінде демеушілік жасады. «Рухани жаңғыру» бағдарламасы аясында өткен тағы бір шара «Туған жерім – құтты мекенім» атты округтегі кәсіп иелерімен өткізілген кездесу кеші. Кездесуге қатысқан мәслихат депутаты, кәсіпкер Ләзат Мұратқызы ауылда өндіріс көзін ашып, наубайхана жұмысын жандандырып, жұмыссыз адамдарды жұмысқа жұмылдыру керек екені ұсынды. Ұлыстың ұлы күніне арналған «Армысың, мерейлі әз-Наурыз» атты тойы өтті. Ұлттық салт-дәстүр насихатталған шарада спорттық ойындарға «Құлет» шаруа қожалығының жетекшісі Алтынбек Әмірұлы Құлетов жеңімпаздарға 100 мың теңге көлемінде демеушілік жасады. 1 маусым балаларды қорғау күніне өткізілген шараға кәсіпкер Ләзат Мұратқызы демеуші болды.
Кітапханашы Бақтығаным Мусагалиеваның ұйымдастыруымен «Желтоқсан шежіресі, елімнің мәртебесі» атты әдеби кеш, балалардың бос уақытын тиімді пайдалану мақсатында «Пайдалы бұйымдар жасау» шеберлік сыныбы өткізілді. Мәдениет үйінің басқа да шаралары жоспарлы түрде өтуде.