«Сыбайлас жемқорлыққа қарсы іс-қимыл туралы» Қазақстан Республикасы Заңының 8-бабы 5-тармағына, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы №12 «Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы» бұйрығына сәйкес, 2026 жылғы 21 қыркүйек мен 4 қазан аралығында «Қарағанды облысының балалардың құқықтарын қорғау басқармасы» ММ қызметінде сыбайлас жемқорлық тәуекелдеріне ішкі талдау жүргізу жоспарлануда.
Ішкі сыбайлас жемқорлық тәуекелдерін талдау аясында сұрақтар мен ұсыныстар туындаған жағдайда, Сіз «Қарағанды облысының балалардың құқықтарын қорғау басқармасы» ММ-не 8 (7212) 25-54-89 телефоны немесе b.nurmagambetov@akimat09.kz электрондық поштасы арқылы хабарласа аласыз.
Шахтинск қаласында білім беру ұйымдарындағы қауіпсіздік мәселелеріне арналған көшпелі кеңес өтті. Жиында тәуекелдердің алдын алу, ведомствоаралық өзара іс-қимыл және балалар үшін қауіпсіз ортаны қалыптастыру мәселелері талқыланды.
2026 жылғы 5 тамызда Қарағанды облысының Балалардың құқықтарын қорғау басқармасының басшысы Б.С. Нұртаева Саран қаласы мен Абай ауданында «Білім беру ұйымдарындағы бірыңғай қауіпсіздік стандарты: ведомствоаралық өзара іс-қимыл, тәуекелдер және алдын алу шаралары» тақырыбында көшпелі кеңес өткізді.
Кеңеске Қарағанды облысы білім басқармасы басшысының орынбасары Д.С. Жиенбаев, Саран қаласы әкімінің орынбасары, Қарағанды облысы білім басқармасының «Психологиялық қолдау орталығы» КММ директоры, сондай-ақ білім беру ұйымдарының басшылары қатысты.
Кездесу барысында қауіпсіз білім беру ортасын қамтамасыз ету, ведомствоаралық өзара іс-қимылды жетілдіру, тәуекел факторларын уақтылы анықтау және балалардың құқықтары мен қауіпсіздігін қорғауға бағытталған профилактикалық шараларды іске асыру мәселелері қаралды.
29 шілде күні Қарағанды облысының Балалардың құқықтарын қорғау басқармасында Теміртау қаласының Кәмелетке толмағандарды бейімдеу орталығының басшылығы мен заң қызметінің өкілдері, сондай-ақ Қарағанды қаласы Әлихан Бөкейхан ауданының Кәмелетке толмағандардың істері және олардың құқықтарын қорғау жөніндегі комиссиясының төрағасымен жұмыс кездесуі өтті.
Кездесудің негізгі тақырыбы кәмелетке толмағандарды бейімдеу орталықтарына орналастыру мәселелері, қолданыстағы заңнаманы қолдану тәжірибесі және әрбір нақты жағдайды қарау кезінде мемлекеттік органдардың өзара іс-қимылы болды.
Кездесу барысында қатысушылар жұмыс барысында туындайтын өзекті мәселелерді талқылап, тәжірибе алмасты және оларды шешудің бірыңғай тәсілдерін келісті. Кездесу қорытындысы бойынша бірлескен жұмыстың тиімділігін арттыруға және туындайтын мәселелерді жедел шешуге бағытталған одан әрі өзара ынтымақтастық туралы келісімдерге қол жеткізілді.
Қарағанды облысының Балалардың құқықтарын қорғау басқармасы фитнес-жаттықтырушы Эдуард Гроссулмен бірлесіп «Орленок» балалар сауықтыру лагерінде қауіпсіздік бойынша шеберлік сабағын өткізді.
Іс-шара барысында балалар қауіпсіздік ережелерімен танысып, жол қозғалысы қағидаларын сақтау және қорғаныс құралдарын пайдаланудың маңыздылығы туралы ақпарат алды. Ерекше назар велосипед шлемін киюдің қажеттілігіне аударылды, себебі ол бас жарақатының алдын алуға көмектеседі.
Қарағанды облысының Балалардың құқықтарын қорғау басқармасы фитнес-жаттықтырушы Эдуард Гроссулмен бірлесіп «Факел» балалар сауықтыру лагерінде балаларға арналған қауіпсіздік бойынша шеберлік сабағын өткізді.
Іс-шара барысында велосипедті қауіпсіз басқару ережелері, жол қозғалысы қағидаларын сақтау және қорғаныс құралдарын дұрыс пайдалану түсіндірілді. Ерекше назар велосипед шлемінің маңыздылығына аударылды. Шлем – құлау немесе жол-көлік оқиғасы кезінде бас жарақатының ауырлығын айтарлықтай төмендететін ең маңызды қорғаныс құралы.
Балалардың қауіпсіздік мәдениетін ерте жастан қалыптастыру – олардың өмірі мен денсаулығын сақтаудың маңызды кепілі. Сондықтан велосипед тебу кезінде шлем кию әрбір баланың міндетті дағдысына айналуы тиіс.
Қарағанды облысының Балалар құқықтарын қорғау басқармасының ұйымдастыруымен «Балалар қауіпсіздігі мектебі» тақырыбында пилоттық жоба аясында танымдық іс-шара өткізілді.
Жобаның негізгі мақсаты 6–13 жас аралығындағы балалардың көшеде, үйде, мектепте, интернет желісінде, бейтаныс адамдармен қарым-қатынас жасау кезінде, сондай-ақ төтенше және өзге де қауіпті жағдайлар туындаған кезде қауіпсіз мінез-құлықтың орнықты дағдыларын қалыптастыру.
Іс-шара барысында балалар қауіпсіздік ережелерімен танысып, түрлі өмірлік жағдайларда дұрыс әрекет ету жолдарын үйренді.
«Алаш» саябағындағы Ту тұғыры алаңы балалар қауіпсіздігіне арналған нағыз танымдық алаңға айналды.
Қарағанды облысының Бала құқықтарын қорғау басқармасы фитнес-жаттықтырушы Эдуард Гроссулмен бірлесіп, велосипедті қауіпсіз жүргізу бойынша шеберлік сабағын өткізді.
Осындай іс-шаралар балалардың қауіпсіздік мәдениетін қалыптастырып, жазғы демалыстың қызықты ғана емес, қауіпсіз өтуіне де ықпал етеді.