Педагог-психологтарға арналған интернетке тәуелділіктің алдын алу мәселелері бойынша семинар өтеді

ҚР БҒМ Балалардың құқықтарын қорғау комитеті және «Жас Ұлан» бірыңғай балалар мен жасөспірімдер ұйымының бірлесіп  ұйымдастыруымен педагог-психологтарға арналған интернетке тәуелділіктің алдын алу мәселелері бойынша семинар өтеді.

Үздік психологтар мен білікті мамандар, халықаралық лекторлар келесі бағыттар бойынша оқу семинарларын өткізеді:

- Интернетке тәуелді жасөспірімнің көңіл-күйін психологиялық диагностикадан өткізу;

- Тәрбие мәселесіндегі ата-аналардың біліктілігін арттыруға, отбасындағы қарым-қатынасты жақсартуға бағытталған  құралдар жиынтығынан тұратын отбасылық психотерапия және жеке кеңес беру жұмыстарын жүргізу.

Алдағы уақытта мамандар алған білімдерін ата-аналар мен балалар арасында супервизия арқылы кеңінен тарататын болады.

Интернетке тәуелділіктің алдын алу және профилактикалық әдістерін игеруге арналған материалдар республика тұрғындары арасында кеңінен насихатталады.

Шараға еліміздің 7500 педагог-психологы мен әдіскері қатысады.

Өтетін орны: ZOOM және Microsoft teams платформалары.

Өтетін уақыты: 14.09-24.09.2020 жж.