Кеңесте қысқы демалыс кезінде балалар үйлерінде балалардың жұмыспен қамтылуы мен бос уақытын ұйымдастыру мәселелері көтерілді.

Бүгін ҚР БҒМ Балалардың құқықтарын қорғау комитеті ҚР Білім және ғылым вице-министрі Б.Асылованың басшылығымен онлайн режимде жетім балалар мен ата-анасының қамқорлығынсыз қалған балаларға арналған ұйымдардың басшыларымен кезекті кеңес өткізді.
Іс-шараға Қазақстан Республикасындағы Адам құқықтары жөніндегі уәкілдің орынбасары Э.А. Әзімова, балалар үйлерінің қамқоршылық кеңестерінің мүшелері, қорғаншылық және қамқоршылық жөніндегі функцияларды жүзеге асыратын органдардың, білім беру саласындағы сапаны қамтамасыз ету департаменттерінің өкілдері қатысты.
Кеңесте қысқы демалыс кезінде балалар үйлерінде балалардың жұмыспен қамтылуы мен бос уақытын ұйымдастыру мәселелері көтерілді.
Бибігүл Амангелдіқызы интернат ұйымдарының басшыларына қысқы демалыста іс-шаралар өткізу кезінде санитарлық-эпидемиологиялық шараларды қатаң сақтау қажеттілігі туралы тағы да ескерту жасады.
Барлық балалар үйлерінде интеллекті дамыту және денсаулықты нығайту үшін қолайлы жағдайлар жасау мақсатында балалардың бос уақыты олардың жас ерекшеліктері мен мүдделерін ескере отырып ұйымдастырылған.
Сондай-ақ, балалар демалыста «Балдәурен» республикалық оқу-сауықтыру орталығының базасында демалады, онда олар денсаулығын нығайтып, шығармашылық, спорттық немесе дамытушылық қызметтің әртүрлі нысандары мен түрлерінде өзін көрсете алады, үйірмелер мен секцияларда айналыса алады, ескілерін қарсы алып, жаңа достар таба алады.
Демалыс - балалардың жадында жарқын және жылы естеліктер қалдыратын балалардың ең сүйікті уақыты. Бұл балалардың нағыз достары, тағдырларына немқұрайлы қарамайтын адамдар – қамқоршылық кеңестердің мүшелері, демеушілер мен меценаттар болған кезде мүмкін болады. Бүгін олардың атына алғыс сөздер мен құттықтаулар айтылды.