ҚР ИДМ АЗАМАТТЫҚ АВИАЦИЯ КОМИТЕТІ «Е-ҚЫЗМЕТ» АҚПАРАТТЫҚ ЖҮЙЕСІН ПАЙДАЛАНУДА КӨШ БАСТАДЫ

2015 жылы  Қазақстан Республикасы мемлекеттік қызметінің кадр қызметіне  «Е-қызмет» ықпалдандырылған ақпараттық жүйесі енгізілді. Жүйені құрудың негізгі мақсаты – орталық және өңірлік деңгейдегі мемлекеттік қызметшілер туралы толық кадрлық ақпаратты «онлайн» режимде алу болып табылады.

Қазақстан Республикасы Президенті Әкімшілігі Басшысының 2017 жылғы 26 қаңтардағы №17-108 тапсырмасын орындау үшін Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі мемлекеттік органдардың «Е-қызмет» жүйесін пайдалану арқылы құжат айналымының жай-күйіне талдау жүргізді.

2017 жылдың 1-жартыжылдығының қорытындысы бойынша бір мемлекеттік қызметшіге автоматты режимде әзірленген құжаттар бөлігінде барлық Министрліктердің комитеттері арасында ҚР ИДМ Азаматтық авиация комитеті 1 орынды иеленді.

Алдағы уақытта «Е-қызмет» жүйесін конкурстарды, персоналды басқаруды бағалауды, сондай-ақ Комитеттің кадр қызметінің басқа процедураларында «онлайн» режимде пайдалану жоспарланып отыр.