«Табиғи монополиялар туралы» Қазақстан Республикасының Заңы 8-бабының 11) тармақшасына сәйкес БҰЙЫРАМЫН:
- Қазақстан Республикасы Үкіметі отырысының 2024 жылғы 27 тамыздағы № 28 хаттамасымен мақұлданған Қазақстан Республикасының 2025-2029 жылдарға арналған әлеуметтік-экономикалық даму болжамына сәйкес қуаты аз табиғи монополия субъектілерінің тарифін индекстеу деңгейі 2025 жылға 5,5% деңгейінде айқындалсын.
- Қазақстан Республикасы Көлік министрлігі Азаматтық авиация комитетінің Тарифтік реттеу басқармасы Қазақстан Республикасының заңнамасында белгіленген тәртіппен осы бұйрықты Қазақстан Республикасы Көлік министрлігі Азаматтық авиация комитетінің интернет-ресурсында орналастыруды қамтамасыз етсін.
- Осы бұйрықтың орындалуын бақылау Қазақстан Республикасы Көлік министрлігінің Азаматтық авиация комитет Төрағасының жетекшілік ететін орынбасарына жүктелсін.
- Осы бұйрық қол қойылған күннен бастап күшіне енеді.