2024 жылғы 1 ақпан күні Атырау облыстық аумақтық сайлау комиссиясының ұйымдастыруымен Дүниежүзілік сайлау күніне орай саяси партиялардың облыстық филалдары мен қоғамдық бірлестіктердің өкілдерінің қатысуымен сайлау мәселелері бойынша Ғ.Сланов атындағы әмбебап кітапханасында дөңгелек үстел ұйымдастырылды

Бұл дөңгелек үстелдің негізгі мақсаты - сайлаушылардың арасында құқықтық мәдениетті қалыптастыру, сайлауға деген білімді жетілдіру. Дөңгелек үстел барысында саяси партиялардың және қоғамдық ұйым өкілдері өз сұрақтары мен ұсыныстарын айтып, жалпы сайлау жүйесі туралы заңнамада болып жатырған өзгерістер туралы толық ақпарат алды. Сонымен қатар сайлауды байқау мен қоғамдық ұйымдарды аккредиттеу заңдылықтары туралы ақпараттар берілді.