Ашық деректер саласындағы саясат "Ақпаратқа қол жеткізу туралы" Қазақстан Республикасының Заңына сәйкес жүзеге асырылады және ашықтық, пайдалануға қолжетімділік, уақтылық және толымдылық, даму және инновациялар қағидаттарына негізделеді.
Мемлекеттік деректерді ашық деректер түрінде жариялау азаматтардың Үкімет қызметіне сенімін арттыруға ықпал етеді және мемлекеттің цифрлық трансформация саласындағы жетістіктерін көрсетеді. Сонымен қатар, статистикалық ақпаратты жинау, өңдеу және ұсыну құралдарын жаңғыртудың арқасында ашық деректер бизнеске пайдалы.